№2 О́skemen qalalyq sotynyń ǵımaratynda «Úlgili sot» jobasyn júzege asyrý aıasynda front-keńse ashyldy.
Bul jerde medıatorlardyń, advokattardyń, prokýrorlardyń kabınetterimen qatar barlyq qajetti málimetterdi usynatyn aqparattyq ortalyq, qujattardy tapsyrý jáne qabyldaýǵa arnalǵan keńse, ózine-ózi qyzmet kórsetý aımaǵy men kútý zaly ornalasqan.
Oblystyq sottyń tóraǵasy Nurlan Qaıyrbekovtiń aıtýynsha, bul – óńir sottarynda ashylyp otyrǵan 4 keńse. «Munda «Bir tereze» qaǵıdaty boıynsha azamattarǵa sapaly qyzmet kórsetilip qana qoımaı, turǵyndardyń sotqa qoljetimdiligin barynsha jeńildetedi. Front-keńseniń jumysy – sot tóreligine qoljetimdilik pen ashyqtyqty qamtamasyz etýge baǵyttalǵan naqty qadam», – deıdi ol.
Azamat QASYM,
«Egemen Qazaqstan»
О́SKEMEN