Atyraý oblysyndaǵy birqatar bilim berý jáne mádenıet mekemelerine jańa ataýlar berildi.
QR Premer-mınıstri Baqytjan Saǵyntaevtyń qoly qoıylǵan QR Úkimetiniń Qaýlysynda munaıly óńirdegi mekemeler de atalady. Mysaly, Isataı aýdanyndaǵy «Chapaev atyndaǵy jalpy bilim beretin bastaýysh mektep» endi qazaqtyń uly aqyny Jambyldyń esimimen atalatyn bolady. Al Tushyqudyq aýylyndaǵy mádenıet úıi «Narıman Úlkenbaıuly atyndaǵy mádenıet úıi» dep atalady.
Mahambet aýdanyndaǵy Chkalov atyndaǵy orta mektep Ahmet Baıtursynulynyń esimin ıelendi. Inder aýdanyndaǵy «Grebenshık orta mektebi» ataýy «Ábish Kekilbaıuly atyndaǵy orta mektep» bolyp ózgerdi.
Úkimet Qaýlysymen «Atyraý agrarly-tehnıkalyq kolledjine memleket jáne qoǵam qaıratkeri Ońaıbaı Kóshekovtiń esimi berildi.
El damýyna erekshe úles qosqan tulǵalardyń esimderin umytpaı, ulyqtaý - rýhanı jańǵyrýdyń bir kórinisi.
Baqytgúl BABASh,
«Egemen Qazaqstan»
ATYRAÝ