Úkimettiń keńeıtilgen quramdaǵy otyrysynda Memleket basshysy sýarmaly egistik alqaptarynyń aýmaǵyn arttyrýdy júktedi.
«Kezinde elimizdiń ár aımaǵynda qudyqtar sany kóp boldy, ár qudyqtyń tóńireginde otar-otar qoı ósiriletin. Osy baǵyttaǵy jumystardy qolǵa alý kerek. Jalpy, aýyl sharýashylyǵy ónimin arttyrýǵa sýarmaly egistikterdiń úlesi mol bolady. Kóktemde erigen qar sýy birqatar oblysta jaıylyp ketedi. Soǵan sáıkes sý jınaıtyn nysandar salý kerek», - dedi N. Nazarbaev.
О́z kezeginde sóz alǵan Aýyl sharýashylyǵy mınıstri О́mirzaq Shókeev qudyqtardyń aınalysynda mal sharýashylyǵyn damytý sharalary iske asyrylatynyn atap ótti.
«Qazir bul nysandardy qalpyna keltirip jatyrmyz. Bizdegi úlken rezerv mal sharýashylyǵynda jatyr. 1 mln tonna bıdaıdy satsaq, 150 mln dollar tabys alamyz. Al iri qara mal etin ótkizgen kezde 1 mlrd dollar shyǵarýǵa bolady. Taýyq jumyrtqasynyń ózi bıdaıdan úsh ese artyq tabys ákeledi», - dedi О́mirzaq Shókeev.