Elbasy ákimdermen keńes ótkizdi

Qazaqstan Prezıdenti halyqtyń turmys sapasy men ál-aýqatyn arttyrý memlekettiń negizgi mindeti sanalatynyn aıtty.

– Eń bastysy, áleýmettik máseleler, kom­mýnaldyq qyzmetke qatysty tarıfter, asa qajetti azyq-túlik pen dári-dármek baǵa­sy. Munyń bárin sizder aıryqsha baqylaýda us­­taý­laryńyz kerek, – dedi Elbasy.

Nursultan Nazarbaev jylý berý maýsy­my aıaqtalǵanǵa deıin turǵyn úı-kommý­nal­dyq sharýashylyq nysandarynyń úzdiksiz ju­­mys isteýin qamtamasyz etý, sondaı-aq kún­niń jylynýyna baılanysty sý tasqyny qaý­pi­niń aldyn alý máselelerine arnaıy toq­taldy.

– Byltyr apatty jaǵdaılar kóp boldy, bıyl onyń qaıtalanýyna jol bermeý kerek. Ta­bıǵattyń qaýip-qaterlerine qarsy shuǵyl áreket etip, aldyn ala tıisti sharalar qa­byldaý qajet. Shyǵys Qazaqstan oblysy­nyń Úrjar aýdanynda 800-deı adam men 280 avtokólik qar qursaýynda qalyp qoı­ǵan. Biz adamdardy qaýipti jaǵdaıda qal­dyr­maýymyz kerek. Tótenshe jaǵdaılardyń saldaryn joıý, onyń aldyn alýǵa qaraǵanda, birneshe ese qymbatqa túsedi, – dedi Elbasy.

Sonymen qatar Prezıdent aza­mattardyń aryzdary men ótinishterin óza­ra is-qımyldyń «kedergisiz» formatyn qalyp­tastyrý arqyly shuǵyl qarastyrý qajet ekenin aıtty.

Memleket basshysy elimizdegi oń ózgeristerdiń basty qozǵaýshy kúshi sanalatyn belsendi jastarmen jumys júrgizý qajettigine nazar aýdardy.

– Men jaqynda jastarmen kezdestim. О́ńirlerińizde talapty jas azamattar bar. Eger bir ret bolsa da olardyń basyn qosyp, áńgi­melesseńizder, kóptegen mańyzdy usy­nys­­tar estısizder. Qoǵamnyń osyndaı bel­sen­­di ókilderin jumysqa tartyp, olardy ózge­­ler­ge úlgi etý kerek, – dedi Nursultan Nazarbaev.

Elbasy óńirlerdegi azamattardyń je­ke qaýipsizdigi men qoǵamdyq tártipti qam­ta­masyz etý isine oblystardyń jáne res­pýb­lıkalyq mańyzy bar qalalardyń ákimderi jaýap beretinin aıtty.

– Biz quqyq qorǵaý júıesin refor­ma­laý­ǵa kiristik. Sizderge polısııa depar­ta­ment­teriniń bastyqtaryn taǵaıyndap, qoǵam­dyq tártipti saqtaý jáne quqyq buzýshy­lyq­tyń aldyn alý jóninde mindetter belgi­leý quqyǵyn berdik. Sizder jergilikti jer­ler­degi tártip úshin solarmen birdeı jaýap beresizder, – dedi Qazaqstan Prezıdenti.

Memleket basshysy kóktemgi dala ju­mys­taryn tehnıkamen, tuqymmen, tyńaıt­qyshpen jáne janar-jaǵarmaımen ýaqtyly qamtamasyz etý, sondaı-aq birqatar iri aýyl sharýashylyǵy taýarlaryn óndirýshilerdiń qaryzyna qatysty máselelerdi sheshý qajettigine arnaıy toqtaldy.

Sońynda Nursultan Nazarbaev Prezı­dent Ákimshiligine búgin júktelgen barlyq min­detterdiń iske asyrylýyn baqylaýǵa alýdy tapsyrdy.