Prezıdent jastardyń búgini men bolashaǵyna qamqorlyq jasaýdy óz saıasatynyń negizgi máni dep sanaıdy. Ol jyl saıynǵy dástúrli Joldaýlarynda jastar saıasatyn jetildirý boıynsha irgeli tapsyrmalar berip júrgeni belgili, óıtkeni jastar qoǵamnyń bir bóligi retinde memlekette mańyzdy ról atqarady.
N.Á.Nazarbaev: «Jas urpaqqa qamqorlyq, onyń qazirgi ómiri men bolashaǵy úshin qam jeý qashanda meniń saıasatymnyń basty maǵynasy bolǵan. Árbir jas qazaqstandyqtyń jaqsy bilim alatyn, otbasyn quratyn, jeke turǵyn páterge ıe bolatyn múmkindigi bar» – dedi.
Bıylǵy jyl jastar jyly bolǵandyqtan, jastarǵa artylar úmit te mindet te kóp bolmaq. Qoǵamnyń mańyzdy bóligin quraıtyn jastarǵa keń múmkindik berildi. Endi jastarǵa ıgi ister men jańa bastamalar bastaıtyn múmkindik týyndady.
Shynynda da «Jastar jyly» − jalyndaǵan jas qaýymnyń júreginde týyndaǵan talaı ıdeıany júzege asyrýǵa múmkindik beretin tamasha kezeń. О́zimniń zamandastarymdy bolashaqqa senimmen aıaq basýǵa, Elbasy ortaǵa tastaǵan bastamalardy belsendi qoldaýǵa shaqyramyn.
Biz, jastar, qashan da Prezıdentimizdiń qoǵamdy alǵa bastyrar ıdeıalaryn qýana qoldap, ony jalǵastyryp júremiz. Elimiz, Elbasymyz «balam» dep bizdiń belimizdi býyp jatsa, biz de «elim» dep erinbeı eńbek etýge ázirmiz. Alǵa, Qazaqstan jastary! Biz Elbasymen birgemiz!
Bizdiń kitaphanamyzda da jas mamandar, jas qyzmetkerler jumys isteıdi. «Jastar el bolashaǵynyń damýynyń kúshi» – dep Elbasymyz aıtqandaı, Jastar – úlken kúsh, Jastar degenimiz – jalyn ot, Jas júrgen jer – mereke. Kitaphanada Aqnıet Kósherbaıqyzy, Aıaýlym Zeıneken, Laýra Sultanbekova, Nursultan Ábjanov, Janat Esenamanova, Azatgúl Qaınaqaeva, Jalǵas Ámirhan, Gúljan О́tegenova syndy jastar jumys jasaıdy. Jastardyń uıymdastyrýymen kitaphanada kóptegen sharalar ótip jatyr. Almaty qalasynda ótken Búkilqazaqstandyq kitaphanashylar sezine jas maman retinde Laýra Sultanbekova qatysyp keldi. Aıaýlym Zeıneken aıtysker aqyn Syrym Áýezhanmen kezdesý keshin ótkizdi. Aqnıet Kósherbaıqyzy «Iztaı oqýlaryna» qatysyp bas júldege ıe boldy. Basqa da jumystarǵa jastarymyz belsene qatysady.
Arystandaı aıbatty,
Jolbarystaı qaıratty –
Qyrandaı kúshti qanatty
Men jastarǵa senemin!
Kózderinde ot oınar,
Sózderinde jalyn bar,
Jannan qymbat olarǵa ar,
Men jastarǵa senemin! – dep Maǵjat Jumabaev atamyz jyrlaǵandaı jalyndy jastarǵa úlken senim artylady. Endi jastardyń mindeti – bilim alyp, elge qyzmet etý. Memleketimiz órkendep ósýi úshin adal qyzmetter atqarý. Bıylǵy jastar jyly úlken jańalyqtarǵa toly bolsyn dep tileımiz. Jańa bastamalardan jaqsylyqtar kútemiz.
Laýra ERIKQYZY,
S.Jıenbaev atyndaǵy oblystyq jasóspirimder kitaphanasynyń qyzmetkeri
AQTО́BE