Qurlyqtyq hokkeı lıgasynyń (QHL) kezekti týr oıynyn óz muz aıdynynda ótkizgen «Barys» Sankt-Peterbýrgtiń SKA klýbynan 2:3 esebimen utylyp qaldy.
QHL-dyń turaqty birinshiliginde kósh bastap turǵan komandaǵa qarsy bizdiń hokkeıshiler óte jaqsy oınady. Básekeniń ekinshi mınýtynda Andre Petersson gol soǵyp, jergilikti jankúıerlerdi bir jelpindirip qoıdy. Alaıda birinshi kezeń aıaqtalǵanǵa deıin qonaqtar eki shaıba salyp, alǵa shyqty. Bul goldardyń avtorlary – Naıl Iаkýpov pen Pavel Dasıýk. Úzilisten keıin Naıl Iаkýpov taǵy bir gol soqsa, 32 mınýtta Darren Dıstiń alystan baǵyttaǵan shaıbasy qaqpa torynan tabyldy. О́kinishke qaraı, odan keıin esep ózgergen joq. Osylaısha, jerlesterimiz óz aıdynynda SKA-ǵa ese jiberdi. Taǵy bir aıta keterligi, osy básekeni tamashalaý úshin «Barys Arena» 10 420 jankúıer jınaldy.
Qazirgi kezde QHL-tyń turaqty birinshiliginde «Barys» áli de altynshy orynda keledi. 54 kezdesýden keıin jerlesterimiz 75 upaı jıdy. Erteń astanalyqtar Fınlıandııanyń «Iokerıtin» qabyldaıdy. Odan keıin Ýfanyń «Salavat Iýlaev» (4 aqpan, qonaqta), Novosibirdiń "Sıbır» (12 aqpan, úıde), Qytaıdyń «Kýnlýn» (14 aqpan, úıde), Ombynyń «Avangard» (16 aqpan, úıde), Vladıvostoktyń «Admıral» (18 aqpan, qonaqta), Habarovskiniń «Amýr» (20 aqpan, qonaqta) jáne Qytaıdyń «Kýnlýn» (22 aqpan, qonaqta) klýbtaryna qarsy oınaıdy.
Ǵalym SÚLEIMEN,
«Egemen Qazaqstan»