О́ńirlik kommýnıkasııalar qyzmetinde ótken baspasóz konferensııasynda oblystyq aýyl sharýashylyǵy basqarmasy basshysynyń orynbasary Seıilbek Nurymbetov eksporttyń kólemi ulǵaıǵanyn aıtty.
Máselen, ótken jyldyń toǵyz aıynyń ózinde 23,8 mln. dollaryn quraıtyn 66,6 myń tonna aýyl sharýashylyǵy ónimderi eksporttalyp, 2017 jyldyń sáıkesti kezeńimen salystyrǵanda 27,2 paıyzǵa artqan eken.
- Oblystan О́zbekstan Respýblıkasyna 285 bas túıe, 100 bas et baǵytyndaǵy MIQ maldary, Birikken Arab Ámirligine 72 bas tirileı túıe eksporttaldy. Sondaı-aq, Túrkistan oblysy jáne Jambyl oblysynyń et kombınattary arqyly Iran Islam Respýblıkasyna jáne Reseı Federasııasyna barlyǵy 8191 bas qoı eksporttaldy, - dedi oblystyq aýyl sharýashylyǵy basqarmasy basshysynyń orynbasary.
Oblysta bıylǵy jyly eksport kólemi byltyrǵydan anaǵurlym artady degen boljam bar.
Baqtııar TAIJAN,
«Egemen Qazaqstan»
Qyzylorda oblysy