Dırektorlar keńesiniń sheshimimen Almaz Ábdirashuly Ábdiǵalymov «Qazgeologııa» ulttyq geologııalyq barlaý kompanııasy» AQ Basqarma tóraǵasy laýazymyna taǵaıyndaldy.
A.Ábdiǵalymov 1974 jyly Almaty oblysynda dúnıege kelgen. Q. Sátpaev atyndaǵy Qazaq ulttyq tehnıkalyq ýnıversıtetin «munaı jáne gaz geologııasy» mamandyǵy boıynsha, T. Rysqulov atyndaǵy Qazaq ekonomıkalyq ýnıversıtetin «qarjy jáne nesıe» mamandyǵy boıynsha támamdaǵan.
Ár jyldary Q.Sátpaev atyndaǵy Geologııa ǵylymdary ınstıtýtynda, «SNPS Aı-Dan Munaı» AQ, «Qazmunaıhım-Kopa» JShS, «Caspian Geo Consulting Services» JShS, «Geo-Munaı XXI» JShS, «Geo-Injener Konsaltıng» JShS, «QazMunaıGaz» óndirý jáne burǵylaý tehnologııalary ǵylymı-zertteý ınstıtýty» JShS-inde qyzmet atqarǵan. 2017–2018 jyldary «QMG-Eýrazııa» JShS bas dırektorynyń orynbasary laýazymyn atqarǵan. 2018 jylǵy jeltoqsannan bastap qazirgi tańǵa deıin «Qazgeologııa» AQ Basqarma tóraǵasynyń mindetin atqarýshy boldy.