Bıylǵy maýsymda Astananyń «Barysy» Qurlyqtyń hokkeı lıgasynda (QHL) gol soǵý kórsetkishi jaǵynan óziniń rekordyń jańartýy múmkin.
QHL-da óner kórsetken kezden beri elordalyq klýb óziniń eń úzdik kórsetkishine 2013/14 jylǵy maýsymda qol jetkizgen. Sol kezderi jerlesterimiz 52 kezdesýde qarsylastar qaqpasyn 182 márte dál kózdegen edi. Bıylǵy maýsymda Andreı Skabelkanyń shákirtteri 174 shaıbany qaqpaǵa engizdi. Al turaqty birinshiliktiń aıaqtalýy úshin «Barysqa» áli jeti oıyn baryn eskersek, onda joǵarydaǵy kórsetkishtiń ózgerýi ábden múmkin. Aldaǵy kúnderi astanalyqtar Ýfanyń «Salavat Iýlaev» (4 aqpan, qonaqta), Novosibirdiń "Sıbır» (12 aqpan, úıde), Qytaıdyń «Kýnlýn» (14 aqpan, úıde), Ombynyń «Avangard» (16 aqpan, úıde), Vladıvostoktyń «Admıral» (18 aqpan, qonaqta), Habarovskiniń «Amýr» (20 aqpan, qonaqta) jáne Qytaıdyń «Kýnlýn» (22 aqpan, qonaqta) klýbtaryna qarsy oınaıdy.
Rasynda da «Barys» bıyl óte kóp gol soǵyp, óz kórermenderin qýantýda. Osy kórsetkish jaǵynan olar QHL-da úshinshi orynda tur. Jerlesterimizden tek SKA men «Iokerıt» qana ozyp tur. Sankt-Peterbýrtik ujym 187 ret nysanany dál kózdese, fınder 175 márte mergendik tanytty.
«Barystyń» QHL-da soqqan goldar sany
1 maýsym (2008/09): 56 oıyn – 174 gol.
2 maýsym (2009/10): 56 oıyn – 169 gol
3 maýsym (2010/11): 54 oıyn – 155 gol
4 maýsym (2011/12): 54 oıyn –160 gol
5 maýsym (2012/13): 52 oıyn – 175 gol
6 maýsym (2013/14): 54 oıyn – 182 gol
7 maýsym (2014/15): 60 oıyn – 170 gol
8 maýsym (2015/16): 60 oıyn – 167 gol
9 maýsym (2016/17): 60 oıyn – 151 gol
10 maýsym (2017/18): 56 oıyn – 148 gol.
Ǵalym SÚLEIMEN
«Egemen Qazaqstan»