Bul týraly Ulttyq ekonomıka mınıstrliginiń saıty jazdy.
Negizgi tamaq ónimderin tutynýdyń eń tómengi normalarynan eseptelgen orta eseppen halyqtyńjan basyna shaqqandaǵy eń tómen kúnkóris deńgeıiniń shamasy 2019 jylǵy qańtarda 2018 jylǵy jeltoqsanmen salystyrǵanda 1,8%-ǵa joǵarylady. Onyń qurylymynda et pen balyqty satyp alýǵa jumsalǵan shyǵystardyń úlesi – 20,5%, sút, toń maı ónimderi men jumyrtqany – 16,5%, jemister men kókónisterdi – 8,3%, nan jáne jarma ónimderin – 7,5%, qant, shaı jáne dámdeýishterdi 2,2%-dy qurady.
Eń tómen kúnkóris deńgeıi – shamasy boıynsha eń tómen tutyný sebetiniń qunyna teń, bir adamǵa arnalǵan eń tómen aqshalaı kiris. Eń tómen tutyný sebeti adamnyń tynys-tirshiligin qamtamasyz etý úshin qajetti tamaq ónimderiniń, taýarlar men kórsetiletin qyzmetterdiń zattaı jáne qun túrindegi eń tómen jınaǵyn bildiredi. Ol azyq-túlik sebetinen jáne azyq-túlik emes taýarlar men kórsetiletin qyzmetterge jumsalatyn shyǵystardyń tirkelgen úlesinen turady. Eń tómen kúnkóris deńgeıin esepteýge arnalǵan az tutynylatyn azyq-túlik emes taýarlar men kórsetiletin qyzmetterge jumsalatyn shyǵystardyń úlesi eń tómengi tutyný sebeti qunynyń 45 paıyzdyq mólsherinde belgilengen.