Búgin Syrtqy ister mınıstrliginiń resmı ókili A.Smadııarov brıfıng ótkizip, onda Eýrazııalyq úkimetaralyq keńesi otyrysynyń qorytyndylary týraly; Syrtqy ister mınıstrliginiń ekonomıkalyq dıplomatııasyn ilgeriletýdegi jumysynyń tetikteri týraly; Qazaqstan delegasııasynyń Bratıslavada Antısemıtızmge qarsy kúres jónindegi EQYU halyqaralyq konferensııasyna qatysýy týraly jáne Shanhaı yntymaqtastyq uıymynyń Aımaqtyq lańkestikke qarsy qurylymynyń Atqarý komıteti Dırektorynyń Astanaǵa sapary týraly keńinen aqparat berdi.
1) Eýrazııalyq úkimetaralyq keńesi otyrysynyń qorytyndylary týraly
1 aqpanda Almaty qalasynda Eýrazııalyq bestiktiń úkimet basshylary deńgeıinde Eýrazııalyq úkimetaralyq keńesiniń kezekti otyrysy ótti.
Is-shara barysynda EAEO sheńberinde ıntegrasııalyq ózara is-qımyldyń birqatar kókeıkesti máseleleri qaraldy. Úkimet basshylary qol jetken ýaǵadalastyqtardy iske asyrýdyń aralyq qorytyndysyn shyǵaryp, Odaqtaǵy budan ári jumystyń baǵyttaryn belgiledi.
Is-shara qorytyndysynda Úkimetaralyq keńes músheleri Eýrazııalyq ekonomıkalyq odaǵynyń sıfrlyq kún tártibindegi jobalardy iske asyrý tetikterin bekitip, 2018 jyldaǵy Odaq elderiniń ózara saýda ahýalyn, sondaı-aq Odaqqa múshe memleketterdiń makroekonomıkalyq jaǵdaıyn, Odaqtyń ortaq gaz naryǵyn qalyptastyrý jáne ultústilik kásiporyndardy qurý boıynsha máseleler qarastyrdy.
Sonymen qatar, otyrys qorytyndysy boıynsha Keme qatynasy týraly kelisimge qol qoıyldy. Bul Kelisim Odaqqa múshe memleketterge biryńǵaı kólik keńistigin, sý kóligi qyzmetteriniń jalpy ishki naryǵyn qurýǵa, sondaı-aq tranzıttik áleýetti júzege asyrýǵa jáne kólik keshenderiniń damýyna úles qosady. Qujat Odaqqa múshe elderiniń jalaýlary bar kemelerdiń basqa múshe memleketterdiń ishki sý joldaryna ózara qoljetimdiligin jeńildetedi. Qazirgi kezde sý joldaryna ruqsat berý júıesi bar. Atalǵan qujat habarlandyrý júıesine kóshýge múmkindik beredi. Atap aıtqanda, Odaqqa múshe memleketterdiń jalaýlarymen júzetin kemelerge qol jetimdilik habarlamaǵa negizdeledi.
Eýrazııalyq úkimetaralyq keńesiniń kezekti otyrysy ú.j. sáýirdiń aıaǵynda nemese mamyrdyń basynda Erevan qalasynda ótedi.
Budan bólek, esterińizge sala ketsek, bıylǵy jyldyń 29 mamyrynda elordada Memleket basshylary deńgeıindegi Joǵary Eýrazııalyq ekonomıkalyq keńesiniń otyrysy ótedi. Aıta keterlik jaıt, dál sol kúni Astanada qol qoıylǵan Eýrazııalyq ekonomıkalyq odaqtyń qurý týraly shartyna 5 jyl tolady.
2) QR Syrtqy ister mınıstrliginiń ekonomıkalyq dıplomatııasyn ilgeriletýdegi jumysynyń tetikteri týraly
30 qańtarda Qazaqstan Prezıdenti Nursultan Nazarbaevtyń tóraǵalyǵymen ótken Úkimettiń keńeıtilgen otyrysynyń qorytyndysy boıynsha Elbasy «ınvestısııalardy tartýdyń kúrdeli ekojúıesin qurý, ásirese damyǵan elderdiń ınvestorlaryna nazar aýdarý» tapsyrmasyn qoıǵan bolatyn.
Qazaqstan Syrtqy ister mınıstrligi Memleket basshysynyń osy buıryǵyn oryndaý boıynsha jumysyn dereý bastady. Búgingi tańda sheteldik ınvestorlarmen ózara árekettesýdiń barlyq júıesindegi jańa jumys formaty qurylýda.
Elbasy aıtqandaı Syrtqy ister mınıstrligine oblys ákimdikterden bastap elimizdiń sheteldik mekemelerine deıin Qazaqstanǵa sheteldik ınvestısııalardy tartý boıynsha barlyq deńgeıdegi jumysty sınhrondaý ókilettigi berilgen bolatyn.
Investısııalardy tartý tıimdiligin arttyrý maqsatynda ınvestısııa tartý úshin 40 basym memleket anyqtaldy.
Qazaqstannyń sheteldik mekemeler qyzmetiniń tıimdiligi jáne esep berýin arttyrý úshin Mınıstrlik óz tarapynan negizgi kórsetkishterdi ázirledi. Olardyń ishinde, statıstıkalyq derekter (tikeleı sheteldik ınvestısııalardyń jalpy aınalymy men saýda kólemi); jańa ınvestorlardy tartý jáne qoldanystaǵy ınvestorlarmen jumys jasaý (olardyń kóńil-kúıin baqylaý, qaıta ınvestısııalaý).
Árbir elshilikke qabyldaýshy eldegi naqty mindetter men jumys kórsetkishteri anyqtalǵan, jaýapty tulǵalar taǵaıyndalyp, jumysqa jańa tásilder ázirlendi.
Ortalyq memlekettik jáne jergilikti atqarýshy organdar men ulttyq kompanııalar basshylarynyń orynbasarlaryna ınvestısııalardy tartý jáne sheteldik mekemelermen qarym-qatynas ornatý úshin qajetti fýnksııalar júkteledi.
Elshilik – Ortalyq – «Kazakh Invest» UK» AK jelisinde óńirlerdegi front-ofısteri tizbeginde tikeleı ózara is-qımyl jasaý úshin Jobalyq ofıs sheńberinde monıtorıng júıesi qurylýda. Bul ınvestısııalardy tartý prosesindegi barlyq qatysýshylar arasynda tikeleı baılanys ornatýǵa múmkindik beredi.
Elimizdiń barlyq óńirlerinde «Kazakh Invest» Ulttyq kompanııasynyń front-ofısteri jumys atqarýda. О́z kezeginde, Syrtqy ister mınıstrligi olardyń qyzmetin bizdiń sheteldik mekemelerimen birlese úılestiredi.
3) Qazaqstan delegasııasynyń Bratıslavada antısemıtızmge qarsy kúres jónindegi EQYÝ halyqaralyq konferensııasyna qatysýy týraly
4-5 aqpanda Bratıslava qalasynda Slovakııanyń Eýropadaǵy qaýipsizdik jáne yntymaqtastyq uıymyna tóraǵalyǵy sheńberinde alǵashqy iri is-sharasy retinde ótetin Antısemıtızmge qarsy kúres jónindegi EQYU halyqaralyq konferensııasy ótkiziledi.
Konferensııaǵa Qazaqstan delegasııasyn Syrtqy ister mınıstriniń orynbasary Roman Vasılenko basqarady.
Bratıslavaǵa sapar barysynda EQYU qazirgi tóraǵasy – Slovakııanyń Syrtqy jáne Eýropa isteri mınıstri Mıroslav Laıchakpen, sondaı-aq eldiń birqatar memlekettik organdarynyń basshylyǵymen ekijaqty kezdesýleri josparlanǵan.
4) Shanhaı yntymaqtastyq uıymynyń aımaqtyq terrorızmge qarsy qurylymynyń Atqarý komıteti dırektorynyń Astanaǵa sapary týraly
5-6 aqpanda Shanhaı yntymaqtastyq uıymynyń Aımaqtyq terrorızmge qarsy qurylymynyń Atqarýshy komıtetiniń jańadan taǵaıyndalǵan dırektory Djýmahon Gııosovtyń Astana qalasyna sapary ótedi.
Sapar barysynda Djýmahon Gııosovtyń elimizdiń birqatar memlekettik organdary, onyń ishinde Syrtqy ister mınıstrliginiń basshylyǵymen kezdesýleri josparlanǵan. Olardyń sheńberinde taraptar «úsh zulymdyqqa» qarsy turý (terrorızm, separatızm, ekstremızm), mańyzdy nysandardyń qaýipsizdigin qamtamasyz etý jáne Shanhaı yntymaqtastyq uıymy - Aýǵanstan baılanys toby arqyly yntymaqtastyqty damytý máselelerin talqylaıdy.