Qurlyqtyq hokkeı lıgasynyń kezekti týrynda Ýfaǵa qonaqqa barǵan «Barys» klýby overtaımda jergilikti «Salavat Iýlaevty» jeńip ketti.
Matchtaǵy esepti ýfalyq komanda ashty. Oıynnyń 8 mınýtynda Artem Sergeev «Salavatty» alǵa jetelegen. Araǵa 47 sekýnd salyp elordalyqtar tarazy basyn teńestirdi. Mergendigimen kózge túsken – Nıkıta Mıhaılıs.
Ekinshi kezeńde «Barys» alǵa shyqty. Andre Peterson esepti 1:2-ge jetkizdi. Áıtse de, kóp uzamaı «Salavat» oıynshysy Lınýs Ýmark tablodaǵy kórsetkishti teńestirip ketti.
Úshinshi kezeńde esep ózgermeı, overtaımǵa kezek kelgen. Qosymsha ýaqytta astanalyq komanda jeńiske degen jigerin tanytyp, shaıba salyp ketti. Jeńis dobyn 61-mınýtta Andre Peterson soqty.
Endi «Barys» kelesi kezdesýin 12 aqpan kúni Novosıbırskiniń «Sıbır» klýbyna qarsy ótkizedi.