Syrtqy ister mınıstri Beıbit Atamqulov Germanııa Federatıvtik Respýblıkasynyń Qazaqstan Respýblıkasyndaǵy Elshisi Tılo Klınnermen kezdesti.
Kezdesý barysynda suhbattasýshylar saıası jáne saýda-ekonomıkalyq saladaǵy qazaqstan-german yntymaqtastyǵynyń qazirgi jaǵdaıy men keleshegin talqylady. Eki el arasyndaǵy ilgerilemeli dınamıkasy atap ótilip, ekijaqty qarym-qatynastardy odan ári keńeıtýge jáne nyǵaıtýǵa ózara mindetteme rastaldy.
Taraptar Qazaqstan men Germanııa arasyndaǵy yntymaqtastyqtyń barlyq máselelerin ári qaraı damytýdy, sondaı-aq 2017 jyldyń shildesinde Astana qalasynda Qazaqstan Prezıdenti Nursultan Nazarbaev pen Germanııanyń Federaldyq Prezıdenti Frank-Valter Shtaınmaıer arasynda ótken kelissózderdiń nátıjesinde qol jetkizilgen ýaǵdalastyqtardy júzege asyrý máselelerin naqty talqylady.
Germanııa Qazaqstannyń Eýropalyq Odaqtaǵy mańyzdy jáne strategııalyq áriptesi bolyp tabylady. «Biz ekijaqty yntymaqtastyq aıasyn keńeıtýge, atap aıtqanda Qazaqstan naryǵyna nemis ınvestısııalaryn jáne tehnologııalaryn tartýǵa múddelimiz. Syrtqy ister mınıstrligine júktelgen jańa mindetter aıasynda bizdiń yntymaqtastyǵymyz jańa serpin alady», - dedi B. Atamqulov.
Nemis Elshisi Astanamen qarym-qatynastardy damytý german dıplomatııasynyń Ortalyq Azııa aımaǵyndaǵy basymdyqtarynyń biri bolyp tabylatynyn atap ótti. T. Klınner Qazaqstan ekonomıkasyn odan ári jańǵyrtý josparlaryn quptap, birlesken jobalardy júzege asyrýǵa járdemdesýge daıyn ekenin bildirdi.
Germanııa Qazaqstandaǵy negizgi eýropalyq ınvestorlardyń biri bolyp tabylady. 2005 jyldan bastap 2018 jyldyń qarasha aıyna deıin Germanııadan Qazaqstanǵa ınvestısııalar kólemi 8,6 mlrd. AQSh dollaryn qurady. 2018 jyldyń qańtar-qarasha kezeńinde taýar aınalymy 1,9 mlrd. AQSh dollaryn, al 2017 jyly - 1,9 mlrd. AQSh dollaryn qurady. Búgingi kúni Qazaqstanda nemis kapıtalymen 450 kásiporyn jumys atqarýda.