«О́rleý» biliktilikti kóterý ulttyq ortalyǵy» AQ oblystyq fılıaly –biliktilikti kóterý ınstıtýtyna 70 jyl toldy. Bilim ordasynyń osy mereıjasyna oraı oqý keńesinde saltanatty májilis boldy. Oǵan oblystaǵy pedagog ǵalymdar, bilim salasynyń ardagerleri, bilikti ustazdar, joǵary oqý oryndarynyń rektorlary men oblystyq bilim basqarmasynyń basshylary qatysty.
«Qostanaı oblysyndaǵy ustazdar biliktiligin kóterý ınstıtýty óziniń 70 jyldyǵyn atap ótetin jyly kóptegen sharalardy júzege asyrdy. Biz arhıvterden, oblys kitaphanalarynan, merzimdi baspasóz tigindilerinen bilim ordasynyń qurylýy men damýy júıesi týraly izdestirý, zertteý jumystaryn júrgizdik. Instıtýt qyzmetkerleriniń ınemen qudyq qazǵandaı qıyn da, tııanaqty jumystarynyń arqasynda tarıhymyzdyń jarqyn betterin jasadyq. Instıtýt soǵystan keıingi aýyr jyldary ózin osy ıgi iske arnaǵan, ustazdardyń ustazy bolǵan adamdardyń mańdaı terimen quryldy. Biz tapqan materıaldarymyz negizinde maqalalar jelisin jazdyq, fılm túsirdik, mamandar eńbegi men ınstıtýttyń damý jolyn kórsettik» dedi «О́rken» biliktilikti kóterý ulttyq ortalyǵy» oblystyq fılıalynyń dırektory Marıonella Slesar.
Saltanatty basqosýda Oblystyq bilim basqarmasynyń basshysy Qusaıyn Katkenov ustazdar biliktiligin kóterý ınstıtýtynyń bilim sapasyna qosqan eńbegi zor ekendigin tilge tıek etti.
«Intstıtýt qyzmetkerleriniń kreatıvti jáne jańashyl bastamalarynyń arqasynda oblys óńirindegi ustazdar qaýymy respýblıkada aldyńǵy qatardaǵy áriptester qatarynan kórinip keledi. Instıtýttyń ózi sekildi odan ozyq tájirıbeler men ádistemelerdi úırengen ustazdarymyz da joǵary kórsetkishterge ıe» dedi Qusaıyn Katkenov.
Instıtýtta bilikti mamandar qyzmet istedi. Mysaly, blim berý salasynyń ardageri Raýshan Baısarına osy ınstıtýtta 42 jyl eńbek etti. Ol oblystaǵy bilim berý mekemeleri basshylarynyń tutas bir urpaǵyn tárbeıeledi dese bolǵandaı. Ásirese, ótken ǵasyrdyń 80-shi jyldary naǵyz jańashyl ustazdar ustahanasy bolǵan ınstıtýtta kóptegen ıgi ister atqaryldy. Olardyń basynda Kalashnıkova Tamara, Mıroshnıkova Lıýdmıla, Dıadechko Valentına, Smaznova Valentına jáne taǵy basqalar boldy. Búginde biliktilikti kóterý júıesi – pikirlester men múddelesterdiń basyn biriktirip otyrǵan bir respýblıkalyq jáne 14 oblystyq ınstıtýttan turatyn iri komanda bolyp tabylady. Olarda Anglııadan, Fransııadan, Sıngapýr men Ońtústik Koreeıadan, taǵy basqa da ozyq elderden bilimin kótergen bilikti 3 myńnan astam mamandar qyzmet etedi. Saltanatta bilim salasynda ınnovasııalyq ádistemelerdiń, jańa tehnologııalardyń ortalyǵyna aınalǵan ınstıtýt mamandaryna qurmet kórsetildi.
Názıra JÁRIMBET,
«Egemen Qazaqstan»
Qostanaı