2018 jyldyń qorytyndysy boıynsha Turǵyn úı qurylys jınaq bankiniń («Báıterek» holdınginiń enshiles uıymy) 1 038 869 salymshysyna memleket syılyqaqysy tólendi. Qarjylyq uıym klıentteriniń shotyna jalpy alǵanda 28,6 mıllıard teńge aýdaryldy. Bul ótken jylǵy bank salymshylaryna tólengen qarajattan 5,6 mlrd teńgege artyq.
Memleket syılyqaqysyn tóleýge arnalǵan somanyń ulǵaıýy bank klıentteri sanynyń ósýine baılanysty bolyp otyr. Máselen, ótken jyly 20% kólemindegi syılyqaqy 896 620 adamǵa berilgen edi.
Al, 96 200 teńgeni quraıtyn eń joǵarǵy memleket syılyqaqysyn 202 900 bank klıenti aldy. Iаǵnı, atalǵan azamattar 2018 jyly shottaryna keminde 481 000 teńgeni nemese 200 aılyq eseptik kórsetkishti quraıtyn qarajat somasyn jınaǵan. Depozıtinde budan da úlken qarajat somasyn jınaǵan klıentter syılyqaqy tólenbegen jınaq somasy boıynsha memlekettik bonýsty 2019 jyldyń nátıjesinde alatyn bolady.
- Turǵyn úı qurylys jınaq banki – turǵyn úı qurylys jınaq júıesin júzege asyratyn Qazaqstandaǵy jalǵyz bank. Zań boıynsha bul júıege qatysýshylarǵa arnap memleket jyl saıyn syılyqaqy tóleıdi. Atalǵan bonýs qazaqstandyqtardyń óz baspanasyn satyp alýlary úshin tezirek qarajat jınaqtap, qonys toıyn ótkizýge múmkindik beredi. Qoljetimdi sharttar boıynsha páter nemese úı satyp alý úshin turǵyn úı qurylys jınaq júıesine qatysýǵa nıet bildirýshiler sany jyldan jylǵa artýda. 2018 jyldyń qorytyndysy boıynsha memleket 1 mıllıonnan astam qazaqstandyqtyń jınaq somasyn kóbeıtýge kómegin tıgizdi. Salystyra keter bolsaq, osydan úsh jyl buryn memleket syılyqaqysy budan eki ese az adamǵa, ıaǵnı, 537 myń salymshyǵa tólengen bolatyn,- dep atap ótti Turǵyn úı qurylys jınaq banki basqarma tóraıymy Lázzat Ibragımova.
2019 jyldyń qorytyndysy boıynsha memleket syılyqaqysy beriletin eń joǵarǵy salym somasy – 505 000 teńge (200 AEK) . Osyǵan sáıkes, maksımal memleket syılyqaqysy 101 000 teńgeni quraıdy. Jyl qorytyndysy boıynsha atalǵan somany alý úshin bank salymshylaryna aı saıyn depozıtterine orta eseppen 42 000 teńgeden salyp otyrý kerek.
Al Turǵyn úı qurylys jınaq banki klıenti kóbirek qarajat somasyn jınaǵysy kelse, eń joǵarǵy mólsherdegi kiriske qol jetkizý úshin otbasy músheleriniń atyna birneshe depozıt ashyp, olarǵa qarajatty teńdeı bólip, salyp otyra alady. Bul jaǵdaıda memleket syılyqaqysy ashylǵan ár shot boıynsha tólenedi. Al turǵyn úı zaemyn alýǵa qajet soma jınalǵan kezde, shottardy biriktirip, baspana satyp alýǵa bolady. Bul opsııany Turǵyn úı qurylys jınaq bankinde «Otbasylyq paket» dep ataıdy.
Turǵyn úı qurylys jınaq banki depozıti bank syıaqysy men memleket syılyqaqysynyń arqasynda eń tabysty salymdardyń biri bolyp sanalady. Depozıt boıynsha jyldyq tıimdi syıaqy mólsherlemesi 13%-ǵa deıin barady.