«О́ńirlerde sýmen jabdyqtaý jáne sý burýǵa baılanysty máselelerdi taldaý jáne sheshý boıynsha usynystardy pysyqtaý» tapsyrmasy boıynsha ótken jyldan bastap aýyldy sýmen jabdyqtaýǵa barlyq qarjylandyrý kózderinen jyl saıyn 100 mlrd. teńge bólinedi. Bul týraly Indýstrııa jáne ınfraqurylymdyq damý mınıstri Jeńis Qasymbek Úkimet otyrysynda málimdedi.
Osynyń arqasynda 84,4% aýyl turǵyndary ortalyqtandyrylǵan sýmen qamtamasyz etildi. Ol shamamen 6,5 mln adam.
«Infraqurylymdy damytý ekonomıkalyq ósimi bar negizgi jerlerde kózdeledi. Qazirgi ýaqytta Eldi mekenderge arnalǵan óńirlik standarttar ázirlenip jatyr, olar jobalardy iske asyrýyn barynsha tıimdi josparlaýǵa múmkindik beredi» dedi J.Qasymbek.
Al «Turǵyn úı qurylysynda qazaqstandyq mazmunnyń ósimin qamtamasyz etý» tapsyrmasy boıynsha 2018 jyldyń qorytyndysy boıynsha turǵyn-úı qurylysy jobalaryndaǵy jergilikti qamtýdyń úlesi 86 % quraǵan.
«Biz elektrondyq Reestri iske qostyq. «Atameken» ulttyq kásipkerler palatasymen birge otandyq ónimdi qoldanýyna baqylaý júrgizemiz. Úsh jyldyń ishinde turǵyn úı qurylysynda jergilikti qamtýdy 90 %-ǵa deıin jetkizemiz» dedi J.Qasymbek.