Úkimet otyrysynda Densaýlyq saqtaý vıse-mınıstri A. Soı 2016-2019 jyldarǵa arnalǵan «Densaýlyq» memlekettik baǵdarlamasy sheńberinde QR Densaýlyq saqtaý mınıstrligi óńirlerdiń ákimdikterimen birlesip, densaýlyq saqtaý ınfraqurylymyn damytý boıynsha joba týraly habarlady.
Vıse-mınıstrdiń aıtýynsha, jobanyń úsh negizgi mindeti bar, olar:
Infraqurylymdy josparlaýdy júıege keltirý;
Alǵashqy medısınalyq kómektiń qoljetimdiligin jáne sapasyn basymdyqpen arttyrý jáne medısınalyq kómektiń pasıentke baǵdarlanǵan qamtamasyz etý maqsatynda densaýlyq saqtaý uıymdary jelisiniń konfıgýrasııasyn ózgertý;
Investısııalardy tartý arqyly ınfraqurylymdy jańǵyrtý.
Osy is-sharalar sheńberinde 2025 jylǵa deıin mynadaı ındıkatorlar aıqyndaldy:
17 óńirlik perspektıvalyq jospardyń negizinde ınfraqurylymdy josparlaý; jalpy praktıka dárigeriniń júktemesin 1500 qyzmet kórsetiletin halyqqa deıin tómendetý jáne jalpy praktıka dárigerleriniń ýchaskelerin 10 ýchaskege 1 obektke deıin shaǵyndaý; qalalarda ortasha qýaty 500 tósekke deıingi iri medısınalyq klasterlerdi qura otyryp, aýrýhanalyq sektordy ońtaılandyrý; 1,3 trln. teńge somasynda ınvestısııalardy tartý jáne densaýlyq saqtaý salasyndaǵy ınvestısııalardyń jalpy kóleminen jekeshe ınvestısııalardyń úlesin 60%-ǵa deıin jetkizý.Mınıstrlik Qazaqstan Respýblıkasy Úkimetiniń 2018 jylǵy 11 qańtardaǵy otyrysynda maquldanǵan tásilderge sáıkes Densaýlyq saqtaý mınıstrligi óńirlermen birlesip, árbir óńirdiń qajettiligi men basymdyqtaryna sáıkes jeliniń jańartylǵan normatıvtin eskere otyryp, josparlaýdyń jańa júıesin iske asyrýda.
«Bizde, ınvestısııalardyń talap etiletin kólemin kórsetilgen 2025 jylǵa deıingi is-qımyl jospary bar.
Biryńǵaı perspektıvalyq jospardyń negizinde, ınvestısııalyq josparlaýdy zańdy túrde bekitý úshin qazirgi ýaqytta Densaýlyq saqtaý týraly kodekske ózgerister engizilýde.
Dúnıejúzilik bank qaryzynyń sheńberinde, perspektıvalyq josparlardy naqtylaý jumysy júrgiziletin bolady, munda aýrýlardyń negizgi tıpteri bólinisinde jáne óńirler bólinisinde (jáne jabdyqtar) qyzmetter túrlerine qajettilik esepteledi.
Bul jumysty densaýlyq saqtaý basqarmalarymen birlesip, 2019 jylǵy 3-toqsanda aıaqtaýdy josparlap otyrmyz» dedi A.Soı.
Sonymen qatar, Memleket basshysynyń 2019 jylǵy 30 qańtardaǵy Qazaqstan Respýblıkasy Úkimetiniń keńeıtilgen otyrysynda bergen tapsyrmasyn oryndaý sheńberinde mınıstrlik óńirlermen birlesip ambýlatorııalyq-emhanalyq uıymdardyń, jedel járdem stansııalarynyń, stasıonarlardyń shuǵyl qyzmetteriniń, sondaı-aq aýyldyq aýrýhanalyq uıymdardyń materıaldyq-tehnıkalyq bazasyn jaqsartý boıynsha jumystar júrgizilip jatqanyn habarlady.
«2021 jylǵa deıingi aldyn ala qajettilik 156,5 mlrd. teńgeni qurady, onyń ishinde:
- sanıtarııalyq avtokólikke 24,5 mlrd. teńge;
- jyljymaly medısınalyq keshender 2,5 mlrd. teńge;
- tehnıkalyq jabdyqtaý 77,2 mlrd. teńge;
- kúrdeli jóndeý 52,3 mlrd. teńge;
Sonymen birge, bıýdjette 121,4 mlrd.teńge kózdelgen.
Osylaısha, qosymsha qajettilik 35,1 mlrd.teńgeni quraıdy, onyń 27 mlrd. teńgeni respýblıkalyq bıýdjette jáne 8,1 mlrd. teńgeni jergilikti bıýdjetterden kózdeý usynylady» dedi óz baıandamasynda A.Soı.