Almatyda qazirgi bessaıystan elimizdiń birneshe beldi sportshylarynyń basyn qosqan Qazaqstannyń ashyq qysqy chempıonaty aıaqtaldy.
Erler saıysynda Vladıslav Sýharevtiń baǵy jandy. Astanalyq sportshy 1480 upaı jıyp, bas júldeni oljalady. Jalpy ol bessaıystyń semserlesýden basqa tórt túrinen top jardy. Kúmis medaldy jeńimpazdyń komandalyq áriptesi Vladıslav Mıshenko ıelendi. Ol 1440 upaıdy qorjynǵa saldy. Qola júlde Artem Drobotvqa buıyrdy. Almatynyń ókili 1377 upaıdy enshiledi.
Áıelder arasynda Almatynyń arýlary aldaryna jan salmady. Farıza Orynbekova altynnan alqa taǵyndy. Ol 1293 upaıdy oljalady. Ekinshi jáne úshinshi oryndardy Ardaq Aqıdollaev (1261) pen Sýlamıf Ananeva (1246) ıelendi.
Qazaqstannyń bessaıysshylary endi 27 aqpan men 3 naýryz aralyǵynda Egıpettiń bas shahary – Kaır qalasynda ótetin Álem kýbogynyń kezeńdik saıysyna qatysady.
Ǵalym SÚLEIMEN,
«Egemen Qazaqstan»
ALMATY