2018 jyly Túrkistan oblysynda ólim-jitim kórsetkishi 2017 jylǵy 12 aıdaǵy kórsetkishimen salystyrǵanda 4,3 paıyzǵa tómendedi. Al, ana óliminiń kórsetkishi 35,9 paıyzǵa azaıǵan. Kórsetkish boıynsha ana ólimi respýblıkada 10 orynda. Bul týraly oblystyq densaýlyq saqtaý basqarmasynyń basshysy Muqan Egizbaev oblys ákimi Janseıit Túımebaevqa esep berý kezinde málimdedi. Bul týraly Túrkistan oblysy ákiminiń baspasóz qyzmeti habarlady.
Onyń aıtýynsha, densaýlyq salasyn aqparattandyrý boıynsha qala aýdan ortalyqtaryndaǵy medısınalyq mekemeler 100 paıyz ınternetpen qamtylǵan. Al, aýyldyq okrýgterdi 2021 jylǵa qaraı 100 paıyzǵa deıin qamtamasyz etý josparlanyp otyr.
«2018 jyly oblystyq bıýdjet esebinen 5728 kompıýter satyp alyndy. Búgingi kúnge 5728 kompıýter jetkizilip, qamtamasyz etý kórsetkishi 64 paıyzdan 100 paıyzǵa jetkizildi. Sondaı-aq, Túrkistan oblysy boıynsha 1 909744, ıaǵnı 100 paıyz elektrondyq densaýlyq pasporttary jasaqtaldy. 19 220 medısına qyzmetker medısınalyq aqparattyq júıege oqytyldy. Qazirgi tańda 441 717 adam mobıldik qosymshamen paıdalanady. Nátıjesinde elektrondy júıeniń kómegimen 2 001533 azamat dárigerdiń qabyldaýynda bolǵan, 1 783 401 adam basqa da medısınalyq kómekterge júgingen, 64 258 pasıentke eńbekke jaramsyzdyq paraǵy elektrondyq nusqada berilgen. Odan bólek, aýdandyq, qalalyq emhanalarda 20 sıfrlyq kómek posttary ashylyp, osy posttarda 558 624 adam oqytyldy», – dedi basqarma basshysy.
2018 jyly medısınalyq uıymdardyń materıaldyq-tehnıkalyq jabdyqtalýyna 8,1 mlrd. teńge bólinip, 65,75 paıyzdy qurady. О́tken jylmen salystyrǵanda 1,5 esege artyp otyr.
Stasıonarlardyń qabyldaý bólimshelerinde trıaj júıesi ornatyldy. Jedel medısınalyq kómek qyzmetinde «Kómek» avtomattandyrylǵan basqarý júıesi engizildi. Barlyq mashınalar GPS navıgasııamen qamtamasyz etilgen.
Aıta keteıik, aldaǵy ýaqytta Túrkistan qalasynan Túrkistan qalalyq emhana, 610 tósek orynǵa arnalǵan oblystyq kópsalaly aýrýhana, oblystyq týberkýlezge qarsy jáne onkologııalyq ortalyq salý jáne oblystyq jedel járdem stansysyn jańǵyrtý jáne paıdalaný jobalary josparlanǵan.
Atqarylǵan jumystarǵa qanyqqan aımaq basshysy «Densaýlyq» baǵdarlamasyna sáıkes ana men bala ólimi, týberkýlez, qan aınalymy júıesi jáne qaterli isikten bolatyn ólim-jitim kórsetkishteriniń oryndalýynda joǵarǵy nátıjege qol jetkizý maqsatynda naqty is-sharalardy uıymdastyrýdy, turǵyndar arasynda aqparattyq – aǵartý jumystaryn kúsheıtýdi tapsyrdy. Jyl qorytyndysy boıynsha jumystardy óz deńgeıinde uıymdastyrmaı tómengi kórsetkishter qataryndaǵy bas dárigerlerdiń jaýapkershiligin qaraýdy júktedi.