Shaǵymdanýshylardyń tórteýi – balalar. Bul týraly Astana ákimdiginiń baspasóz qyzmeti habarlady.
Astana qalasynyń Qoǵamdyq densaýlyq saqtaý basqarmasy elordadaǵy tómen aýa temperatýrasy saldarynan medısınalyq kómek alý úshin medısınalyq uıymdarǵa júgingen azamattar jónindegi aqparatty usynady.
«6 aqpandaǵy jaǵdaıǵa sáıkes Astanadaǵy tómen aýa temperatýra saldarynan medısınalyq kómek alý úshin denesin úsik shalǵan 14 adam medısınalyq uıymdarǵa júgindi» delingen basqarmanyń habarlamasynda. Kómekke júgingenderdiń 10-y – eresek adamdar, 4-i – balalar.
2017 jyly týǵan bir bala №2 qalalyq balalar aýrýhanasyna jatqyzyldy. Balanyń jaǵdaıy aýyrlyǵy ortasha dep baǵalanyp otyr. Úsik shalýdyń jeńil deńgeıine baılanysty qalǵan azamattar turǵylyqty mekenjaıy boıynsha ambýlatorlyq em qabyldaıtyn bolady. «Dárigerler men mamandardyń jedel áreketi men uıymdasqan jumysynyń arqasynda kómekke júgingen azamattardyń barlyǵyna medısınalyq kómek tolyq kólemde kórsetilip, úsik shalýdyń aýyr saldary men asqynýyna jol berilgen joq» dep málimdedi basqarmada. Úsik shalýdan bolǵan ólim oqıǵasy tirkelgen joq.