Arnaıy jobany aýdan ákimdigi «Astana Innovations» AQ-men birlesip júzege asyrdy, dep habarlaıdy elorda ákimdiginiń resmı saıty.
«Esil aýdanynyń turǵyn úı qory tolyǵymen e-PIK júıesine qosylǵan. Búgingi tańda kelisim-sharttar bekitilip, qyzmet kórsetýshi uıymdardyń barlyǵy biryńǵaı júıege qosyldy. Joba turǵyndardyń yńǵaılylyǵy úshin jumys istep, qyzmet kórsetýshi uıymdar jumysynyń ashyqtyǵyn qamtamasyz etedi», – dedi halyqqa esep berý kezinde aýdan ákimi Tólegen Zakarıanov.
Onyń keltirgen málimetine qaraǵanda, aýdanda 482 kóp páterli turǵyn úı bar. 2017-2018 jyldary aýdanda ornalasqan apattyq jaǵdaıdaǵy 22 úıdiń 15 súrilgen. Búgingi tańda aýdanda apattyq jaǵdaıdaǵy 7 úı bar.
2018 jyly PIK kúshimen maqsatty alymdardyń esebinen úılerdiń podezderinde, jabyndarynda, jylý toraptarynda jóndeý jumystary júrgizilip, 14 turǵyn úı kesheniniń qasbetteri qalpyna keltirildi.