Facebook messendjerinde jiberilgen habarlamalardy joıý múmkindigi paıda boldy. Biraq bul tek 10 mınýt ishinde júzege asady, dep habarlaıdy The Verge basylymy.
Paıdalanýshylar 10 mınýt ishinde jiberilgen habarlamany joıa alady. Ol úshin oǵan eki ret basý kerek, sodan keıin "Barlyǵyn joıý" usynysy bar qalqymaly mázir paıda bolady.
Mundaı opsııa iOS jáne Android úshin Messenger baǵdarlamasynyń jańa nusqalaryna qosyldy.
Buǵan deıin habarlardyń basqa hat almasýshylarda saqtalmaıtyndaı etip joıylýy tek Facebook-tiń negizin qalaýshy Mark Sýkerberg jáne áleýmettik jeliniń birneshe top-menedjerlerine ǵana múmkin bolatyn.