Jambyl oblystyq ishki saıasat basqarmasynyń «О́ńirlik kommýnıkasııalar qyzmeti» alańynda oblystyq ishki saıasat basqarmasynyń basshysy Berik Qurmanǵalıdyń qatysýymen baspasóz konferensııasy ótti. Basqarma basshysy ótken jyly atqarylǵan jumystar men alda turǵan mindetter týraly baıandap, jýrnalısterdiń suraqtaryna jaýap berdi.
Berik Ýálıuly ótken jyly basqarma tarapynan josparlanǵan is-sharalar men kózdelgen maqsatty ındıkatorlar oryndalǵanyn jetkizdi. О́tken jyly basqarmanyń uıymdastyrýymen 52 is-shara ótkizilgen eken. «Olar ulttyq jáne memlekettik merekeler, Astana qalasynyń 20 jyldyǵy, sonymen birge, respýblıkaǵa tanymal jýrnalıster, tarıhshylar, zııaly qaýym ókilderi, blogerler, qoǵam ókilderiniń qatysýymen ártúrli sharalar uıymdastyryldy. О́tken jyly qoǵamdyq-saıası ahýaldyń turaqtylyǵy saqtalyp, etnosaralyq jáne dinaralyq shıelenister oryn alýyna jol berilgen joq», dedi Berik Qurmanǵalı.
Basqarmanyń negizgi jumystarynyń biri – Memleket basshysynyń Joldaýy men memlekettik baǵdarlamalardy halyqqa túsindirý bolyp tabylady. Osy baǵytta quramynda 89 múshesi bar 11 aqparattyq top qurylǵan. Basqarma basshysy óz sózinde, qazirgi tańda top quramynda joǵary oqý oryndarynyń professorlary, sarapshylar, sonymen birge, «7-20-25» baǵdarlamasyn túsindirý úshin bank qyzmetkerleri engizilgenin atap ótti. Sonymen qatar, aqparattyq jumys aqpan aıynan bastap, bekitilgen kestege sáıkes júrgiziledi.
Búgingi tańda Jambyl óńirinde 63 buqaralyq aqparat quraldary qyzmet etedi. «Sıfrly Qazaqstan» baǵdarlamasy boıynsha ótken jyly Jambyl oblysy alǵashqylardyń biri bolyp sıfrlyq efırlik habar taratý júıesine kóshti. Bul rette, óńirdegi ataýly áleýmettik kómek alýshylarǵa qoldaý kórsetilip, 2400 otbasyǵa jergilikti bıýdjet esebinen 13 528,0 myń teńge bólinip, sıfrly jalǵamalar alyp berilgen.
Berik Qurmanǵalı ótken jylǵy atqarylǵan osy jáne ózge de sharalardy qorytyndylaı kele, basqarmanyń aldaǵy jumysyna da toqtaldy. «Bıylǵy jyly Jambyl oblysynyń 80, T.Rysqulovtyń 125, oblystyq «Znamıa trýda» gazetiniń 100, «Jambyl» telearnasynyń 30 jyldyǵy jáne «Birlik túbi – bereke» qoǵamdyq forýmyn uıymdastyrý josparda tur», dedi basqarma basshysy.
Hamıt Esaman,
«Egemen Qazaqstan»
Jambyl oblysy