Jastar jylyna oraı Abaı atyndaǵy QazUPÝ-da Almaty qalasy boıynsha «Jobalyq Start» taqyrybynda jastardyń kreatıvti jobalary men ıdeıalary baıqaýy ótti.
Baıqaýdyń negizgi maqsaty - JOO-nyń jastary arasynda baılanysty damytyp, ózara tájirıbe almasý.
Ýnıversıtettiń Baspasóz qyzmetiniń málimeti boıynsha, «Jobalyq Start» baıqaýynda jas talantty stýdentter «áleýmettik», «IT», «ǵylym», «startup» baǵyttary boıynsha tyń jobalarymen jáne qyzyqty ıdeıalarymen bólisti. Baıqaýǵa Almaty qalasynyń 12 joǵary oqý ornynyń ókilderi qatysty, olardyń qatarynda Satbayev University, Ál-Farabı atyndaǵy QazUÝ, Qazaq ulttyq qyzdar pedagogıkalyq ýnıverseteti, Almaty tehnologııalyq ýnıversıteti, Turan ýnıversıteti, Halyqaralyq bıznes ýnıversıteti, Qazaq ulttyq agrarlyq ýnıversıteti, Qurmanǵazy atyndaǵy Qazaq ulttyq konservatorııasy, Almaty energetıka jáne baılanys ýnıversıteti, Qazaq-Brıtan tehnıkalyq ýnıversıteti, O.Tansyqbaev atyndaǵy Almaty sándik-qoldanbaly óner kolledji bar.
Is-shara jobalary baıqaýynyń jeńimpazdarynyń júlde qory I oryn - 100 000 teńge, II oryn - 70 000 teńge, III oryn - 50 000 teńge. Sonymen qatar, 5 yntalandyrý syılyqtary berildi.
Osy baıqaý barysynda I oryndy úzdik joba ıegeri retinde Satbayev University, II oryndy Qazaq ulttyq agrarlyq ýnıversıteti, III oryndy Almaty tehnologııalyq ýnıversıteti jeńip aldy.
Abaı atyndaǵy QazUPÝ «Jobalyq start» megajobasyn Almaty qalasynyń joǵary oqý oryndaryna estafeta joldady. Osy bastamamen belsendi jastar bolashaqta ıdeologııalyq, ınnovasııalyq jobalardy ázirleý jáne engizý arqyly eldiń damýyna eleýli úles qosatyny anyq.
Elvıra Serikqyzy,
«Eqemen Qazaqstan»
ALMATY