Búgin Otyrar aýdanyna Májilis depýtaty, Halyqaralyq ister, qorǵanys jáne qaýipsizdik komıtetiniń múshesi, memleket jáne qoǵam qaıratkeri Qýanysh Sultanov arnaıy issaparmen keldi.
Bar ǵumyryn halyqqa qyzmet etýge arnaǵan, keshegi keńestik kezeń men Táýelsizdik jyldarynda ultymyzdyń rýhanı ósýine erekshe úles qosqan qoǵam qaıratkeri aýdandaǵy is – saparyn Otyrar mýzeıin tamashalaýdan bastady. Jańaryp, jasarǵan, sońǵy tehnologııamen jabdyqtalǵan mýzeıdi aralap, arnaıy kitapshaǵa qoltańbasyn qaldyrǵan halyq qalaýlysy otyrarlyq halyqpen kezdesti. Otyrar men Túrkistannyń qazaq tarıhynda alatyn ornyn, rýhanııatyna qosqan úlesin, elimizdiń ishki jáne syrtqy saıasatyn saralap, Elbasymyzdyń eńbekterine toqtalǵan Qýanysh Sultanuly ardagerler men zııaly qaýym ókilderi jáne jastardyń tolǵandyrǵan saýaldaryna egjeı – tegjeıli jaýap berdi.
Jıyndy ashyp, júrgizip otyrǵan aýdan ákimi Erlan Aıtahanov eldiń órkendeý jolynda ár salada qyzmet atqarǵan halyqtyń jadynda aqparat mınıstri, daryndy dıplomat, zań shyǵarýshy depýtat retinde orny bar Qýanysh Sultanovqa otyrarlyqtar atynan «Otyrar jádigerleri» albom – kitapty tartý etip, aldaǵy jumystaryna tabys tiledi.
Kezdesýden soń Májilis depýtaty «Otyrar Sút - Et» óndiristik kooperatıviniń jumysymen tanysty.
Otyrar aýdany ákiminiń baspasóz qyzmeti