2019 jyldyń 6 aqpanynda QR Premer-Mınıstriniń Birinshi orynbasary Asqar Mamınniń tóraǵalyǵymen Tótenshe jaǵdaılardyń aldyn alý jáne joıý jónindegi vedomstvoaralyq memlekettik komıssııanyń otyrysy bolyp ótti. Bul týraly QR Premer-Mınıstriniń baspasóz qyzmeti habarlady.
Otyrysqa Komıssııa músheleri, memlekettik organdar basshylary qatysty. Beınekonferensııa baılanys rejıminde – oblys, respýblıkalyq mańyzy bar qala ákimderiniń orynbasarlary, tótenshe jaǵdaılar jónindegi departament basshylary esep berdi.
Otyrys barysynda elimiz turǵyn úı sektoryndaǵy órt qaýipsizdigin qamtamasyz etýdiń ary qaraıǵy sharalary jan jaqty pysyqtaldy. Aǵymdaǵy jyldyń 5 aqpanyndaǵy Úkimet otyrysynda Premer-Mınıstrdiń tapsyrmalaryn oryndaý sheńberinde QR Ishki ister mınıstrliginiń Tótenshe jaǵdaılar jónindegi komıteti bólimshelerimen respýblıkalyq jáne óńirlik deńgeıde órttiń aldyn alý jumystaryn uıymdastyrý jónindegi shtabty qurý boıynsha jumystar bastaldy. Jylytý kezeńiniń sońyna deıin turǵyn úı sektoryndaǵy órttiń aldyn alý boıynsha keshendi profılaktıkalyq is-sharalar jalǵasyn tabatyn bolady.
Budan basqa, túsindirý jumystaryn ótkizý sapasyn kúsheıtý, sondaı-aq turmystaǵy órt qaýipsizdigi salasynan túsinigi bar azamattardyń qataryn kóbeıtý jónindegi qosymsha sharalardy júzege asyrý qarastyrylǵan.
«2017-2020 jyldarǵa arnalǵan sý tasqyny qaýpin joıý jáne aldyn alý jónindegi keshendi sharalar» Jol kartasyn júzege asyrý jóninde QR ishki ister mınıstri Q.Qasymov habardar ete ketti. Sońǵy eki jylda ótkizý qabileti arttyrylǵan 64 kópirge, 119 gıdrotehnıkalyq qurylǵyǵa jóndeý júrgizilip, 174 qorǵanysh dambasy salynǵan jáne kúsheıtilgen. Tolyqtaı alǵanda, Jol kartasymen shamamen 600 is-sharany júzege asyrý qarastyrylǵan.
2018-2020 jyldarǵa arnalǵan TJ jónindegi departamentti kezeńimen materıaldyq-tehnıkalyq jaraqtandyrý jónindegi Jol kartasy ázirlenip otyr. Sýtasqyny qaýipti kezeńindegi Azamattyq qorǵaýdyń memlekettik júıesiniń quraldary men kúshteri, basqarý organdarynyń daıyndyǵy týraly QR ishki ister mınıstriniń orynbasary Iý.Ilın baıandap berdi.
Otyrysta sondaı-aq QR Bas prokýrorynyń orynbasary A.Lýkın, QR energetıka vıse-mınıstri S.Nurlybaı, QR aýyl sharýashylyǵy vıse-mınıstri E. Nysanbaev, QR ındýstrııa jáne ınfraqurylymdyq damý vıse-mınıstri K.О́skebaev sóz aldy. Olar temir men avtomobıl joldaryn sý basýdyń aldyn alý jónindegi sharalardy, jol jelilerin sý basqandaǵy jaǵdaıy, tasqyn sýdy qabyldaý úshin sý qoımalarynyń tehnıkalyq daıyndyǵy jáne jalpy sý tasqyny kezeńine daıyndyq barysyn ortaǵa saldy.
Sý tasqyny kezeńine daıyndyq týraly Almaty, Shyǵys-Qazaqstan, Qaraǵandy, Qyzylorda, Pavlodar jáne Túrkistan oblystary ákimderiniń orynbasarlary aıtyp berdi.
«Premer-Mınıstrdiń Birinshi orynbasary óńirlerde Jol kartasyndaǵy sý tasqyny qaýpiniń aldyn alý jónindegi birqatar is-sharalardyń oryndalmaǵandyǵyn qadap aıtyp, «Jol kartasyndaǵy is-sharalardyń oryndalmaýy óńirlerde TJ týyndaýy qaýipine alyp kelýi múmkin» ekendigin eskertti.
- «Iesi joq sýqoımalarynyń, gıdrotehnıkalyq qurylǵylardyń bolýy Qaraǵandy oblysynda oryn alǵandaı, tótenshe jaǵdaılarǵa alyp kelýi múmkin. Taıaýda tasqyn sýdyń aldyn alý kezeńi bastalady. Jaýapty memlekettik organdarǵa árbir óńirdegi ıesiz qurylystardy kommýnaldyq ıelikke ótkizý máselelerin qatan baqylaýǵa alý kerek», - dep atap kórsetti A.Mamın.
Aýyl sharýashylyǵy mınıstriniń orynbasary E.Nysanbaev 2018 jyly anyqtalǵan 49 ıesiz qurylystyń 21-i esepke alynǵandyǵyn, al qalǵan 28-i boıynsha olardyń jaǵdaıy baqylaýǵa alynyp, esepke qoıylyp jatqandyǵyn habarlady.
Birinshi Vıse-Premer barlyq múddeli memlekettik organdarǵa aldaǵy kóktemgi kezeńdegi boljamdy esepke ala otyryp jáne táýekelderdi eskere, tasqyn sý qaýpinen ınfraqurylymdar men eldi mekenderdi maksımaldy qorǵaýdy qamtamasyz etý, sý tasqyny qubylysyn boldyrmaý jónindegi barlyq qajetti sharalardy qabyldaýdy tapsyrdy.