2018 jyl meteobaqylaý júrgizýdiń 139 jyldyq tarıhynda tirkelgen eń jyly jyldardyń biri boldy. Bul týraly AQSh-tyń Muhıttar men atmosferany zertteý ulttyq basqarmasy (NOAA) men Ǵaryshty zertteý ulttyq basqarmasy (NASA) málim etti, dep habarlaıdy QazAqparat.
NOAA jáne NASA keltirgen derekterge súıensek, 2018 jyl eń jyly jyldardyń qataryn tórteýge jetkizdi. «Birneshe jyldan beri jahandyq jylyný jalǵasyp keledi, 2018 jyl da sondaı jyldardyń biri boldy», - dep málim etti NASA janyndaǵy Goddard atyndaǵy Ǵaryshty zertteý ınstıtýtynyń basshysy Gevın Shmıdt.
«Jahandyq jylynýdyń áseri baıqala bastady. Sý tasqyndary, keı óńirlerde kúrt aptap ystyqtyń bolýy, jaýyn-shashyn mólsheriniń artýy, ekojúıelerdiń ózgerýi soǵan meńzeıdi», - dedi ol.
Instıtýt basshysynyń sózine qaraǵanda, 1880 jyldan beri Jer betindegi ortasha temperatýra Selsıı boıynsha bir gradýsqa kóterilgen. Bul adamzat belsendiliginiń artýymen tikeleı baılanysty.