Oblystyq Tótenshe jaǵdaılar departamenti baspasóz qyzmetiniń málimetinshe, Uzynbulaq aýylynda ysty gazdan ýlaný saldarynan Bekbatyrovtar otbasy ata-anasy, 4, 7 synyptarda oqıtyn eki bala qaza taptqan.
О́tken 7 aqpan túni peshten aqaý shyqqan. Kúni boıy otbasynan eshqaısysy baılanysqa shyqpaǵan soń týystary Bekbatyrovtardyń úıine barady.
Esik ashylmaǵan soń, esikti buzyp kirgen kezde otbasy múshelerin tirshilik belgilerisiz jatqan kúıinde tapqan.
О́tken jyly óńirde 873 órt oqıǵasy tirkelip, 34 adam kóz jumypty. Oqys oqıǵa saldarynan 33 adam ártúrli deńgeıde jaraqat alǵan. Bıyl jyl bastalmaı jatyp, 46 órt oqıǵasy oryn alyp, 6 adam baqılyq bolǵan. Onyń bireýi – bala.
Saqtasań saqtaıdy. О́kinishke qaraı, saqtyq sharalaryn saqtamaýdan qaıǵyly oqıǵalar bolyp jatyr.
Farıda BYQAI,
«Egemen Qazaqstan»
Pavlodar oblysy