«Sıfrlyq Qazaqstan» memlekettik baǵdarlamasyn iske asyrý sheńberinde óńirdiń barlyq medısınalyq uıymdarynda «DamýMed» keshendi medısınalyq aqparattyq júıesin, medısınalyq kómekti basqarýdyń «Idea» avtomattandyrylǵan júıesin, al Aqtóbe qalasynyń emhanalarynda elektrondyq kezekti basqarý júıesin engizý jumystary kezeń-kezeńimen júrgizildi. Bul týraly О́ńirlik kommýnıkasııalar qyzmetine oblystyq densaýlyq saqtaý basqarmasyndaǵylar habarlady.
Elektrondyq formatqa medısınalyq qujattamanyń barlyq qoldanylatyn nysandary aýystyryldy, aýrýhanalyq paraqtardy, aqyly preparattardyń reseptterin elektrondy túrde berý jumystary júrgizilýde. Búgingi kúni medısınalyq uıymdarda 4179 aýrýhana paraǵy berilip, 1309 aqyly resept jazylǵan.
Aǵymdaǵy kezeńde oblystyń ambýlatorııalyq qyzmetteri 760736 elektrondyq densaýlyq tólqujatyn sıfrlady, bul tirkelgen halyqtyń 99,3% - yn quraıdy (halyqtyń kóshi-qonyn esepke alǵanda).
Halyqqa qolaıly bolý úshin «DamuMed» jáne «k-vrachu.kz» mobıldi qosymshalary iske qosyldy, sondaı-aq arnaıy dárigerlerdiń jumys kestesimen tanysýǵa, tirkelý ýchaskesin anyqtaýǵa, dárigerdiń qabyldaýyna jazylýǵa jáne qajet bolǵan jaǵdaıda jazylýdy toqtatýǵa bolatyn http://dmed.kz / jáne k-vrachu.kz web-portaldary iske qosyldy. Mobıldi qosymsha skrınıngten ótý qajettiligi týraly Push-eskertpelerdi jáne dárigerge barý týraly eskertýlerdi jiberedi.
«Osylaısha, densaýlyq saqtaý júıesin aqparattandyrýdyń arqasynda aımaqtyń medısınalyq mekemelerinde jumys tıimdiligi artty: emdelýshiniń kezekte kútý ýaqyty 30 mınýttan 10 mınýtqa deıin qysqardy, dárigerdiń naýqasty tekserý ýaqyty 20-30 mınýtqa deıin uzartylyp, jedel járdemniń kelý ýaqyty 15 mınýttan 10 mınýtqa deıin qysqardy. 2019 jylǵa arnalǵan josparda dıagnostıkalyq jabdyqtarda shyǵarylǵan sýretterdi elektrondyq formatqa kóshirý, «Olımp» jáne «Invitro» zerthanalarynyń aqparattyq júıelerimen ıntegrasııalaý jumystary bar», - dedi densaýlyq saqtaý basqarmasynda.