«Qazaqstan temir joly» UK» AQ taýarlardy, jumystardy jáne qyzmetterdi satyp alý jónindegi konkýrstyq komıssııalardyń otyrystary úshin arnaıy kabınet ashyldy. Bul týraly «Qazaqstan temir joly» UK» AQ baspasóz qyzmeti habarlady.
Kabınettiń jumys erejesinde satyp alý otyrystaryn foto-beıne taspaǵa túsirý, sondaı-aq tirkeý men saqtaý, esepke alý qarastyrylǵan.
Kabınet satyp alý erejesin buzýǵa jol bermeý, senimde ári bilikti jetkizýshilerdi tartý, satyp alý rásimderine qatysýy úshin teńdeı múmkindikterdi qamtamasyz etýge baǵyttalǵan, konkýrstyq komıssııalar jumysynyń tıimdiligi úshin barlyq qajettiliktermen jabdyqtalǵan.
Konkýrstyq komıssııalardyń otyrystaryn ótkizý úshin arnaıy kabınetter sondaı-aq enshiles uıymdarda, óńirlik temir jol bólimshelerinde jumys isteıtin bolady.
«QTJ» UK» AQ ónimder kólemi men nomenklatýra sany boıynsha belsendi tapsyrys berýshi bolyp tabylady, sondyqtan da satyp alý rásiminiń ashyqtyǵyn arttyrýǵa úlken kóńil aýdarylýda.