QUQYQTY QURMETTEÝ QAJET

“Aqtóbe halyqaralyq áýejaıy” AQ óziniń kásipkerlik qyzmetinde avtorlyq quqyǵy “Microsoft” korpo­ra­sııasyna jatatyn lısenzııa­lan­baǵan baǵdarlamalardy (pro­gram­malardy) paıdalanýǵa jol bergen. Baǵdarlamalyq qamtamasyz etý nysanynyń avtorlyq quqyǵy zańmen qorǵalady. Avtorlyq quqyqty buzǵan tulǵa Qazaqstan Respýblıkasynyń Zań aktilerine jáne Qazaqstan Res­pýb­lıkasy qatysyp otyrǵan Ha­lyq­aralyq konvensııaǵa sáıkes qyl­mystyq, ákimshilik jáne aza­mattyq jaýapkershilikke tartylady. “Aqtóbe halyqaralyq áýejaıy” AQ kásipker­lik qyzmetinde paıdalanǵan baǵdar­lamalyq qamtamasyz etýdi “Microsoft” korporasııasynyń bir­yńǵaı avtorlyq quqyǵy ekenin mo­ıyndaıdy jáne keleshekte qyz­met­kerlerimiz quqyq ıelenýshi “Microsoft”  kor­­pora­sııa­sy­nyń ın­tel­lektýaldy quqyǵyn buz­baýǵa min­detteme alady. Osyn­daıdan bas­qa­lardy da eskertkimiz keledi. “Microsoft” korporasııasynyń baǵ­dar­la­malyq qamtamasyz etý ny­sa­nyna biryńǵaı avtorlyq quqyǵy bar. Osy qu­qyqtaryn olar belsendi túrde saqtaıdy jáne qorǵaıdy. Sond­yq­tan sot aldynda jaýap bergenshe, lısen­zııa­lanǵan baǵdarlamalyq qamtamasyz etýdi tıisti fırmalardan satyp alǵan jón. “Aqtóbe halyqaralyq áýejaıy”AQ. SOT AKTILERI ORYNDALÝYMEN QUNDY... Shyǵys Qazaqstan oblysy sottar ákimshisiniń keńeıtilgen keńesi mańyzdy sharalardyń biri bolyp tabylady. О́ıtkeni, sottar shyǵarǵan sheshimderdiń oryn­da­lýy, memleketke qaryzdaryn mıl­lıondy bylaı qoıyp, mıl­lıard­tap tólemeıtin kásiporyn­dardy tártipke shaqyrý, qazir­gideı qarjy daǵdarysy kezinde qatań sharalar qoldaný ońaı sharýa emes. Sondaı bir kezekti keńesti jaqynda ǵana oblystyq sottyń tóraǵasy qyz­metine ta­ǵaıyndalǵan Muhamedjan Paqyr­dinov júrgizdi. Keńes jumysyna Shyǵys Qa­zaqstan oblystyq sotynyń jáne sottar ákimshisiniń mamandary qa­tysty. Keńeste “Sot aktileriniń or­yn­dalýy boıynsha jumys qo­ry­tyndysy týraly” oblystyq sot­tar ákimshisiniń atqarý óndirisin qamtamasyz etý bóliminiń bastyǵy Rınat Turyshev baıandama jasady. Onyń aıtýynsha, ótken jyly sottar ákimshisi sot oryndaýshy­larynyń aýmaqtyq bólimderiniń óndirisinde 25,9 mıllıard teńgeden astam qarjyny quraıtyn 109 myńnan astam oryndaý qujattary bolypty. Alaıda, bul kórsetkish 2008 jyl­men salystyrǵanda, 5 mıllı­ard teńgege tómendegen. 60 myńnan astam oryndaý qujattary oryn­dalyp, paıyzǵa shaqqanda 55-ti quraǵan. Jańa Semeı, Úrjar, Ulan aýdandaryndaǵy atalmysh qyz­met túrleri jumystaryn bá­seń­detip alǵan. Búkilálemdik eko­nomıkalyq daǵdarys kezinde qar­jy­lardy memleket kirisine óndirý basty mindet bolsa kerek. Qu­jat­tardy zańmen belgilengen merzimde oryndaý, memlekettik qazyna qo­ryn molaıtý osyndaı jumystyń nátıjesi bolatyny belgili. Demek, oryndaý sanksııasyn óndirýge de kóńil bólý qajet. Máselen, 2009 jyldyń statıstıkalyq málimet­terine sáıkes respýblıkalyq bıýd­jet kirisine 27 mıllıard 618687 teńge oryndaý sanksııasy esepte­lip, óndirilgen. Bul tıisti kezeń­men salystyrǵanda 18,5 mıllıon teńgege artyq. О́tken jyly qylmystyq jaý­apkershilikke tartý úshin borysh­kerlerge qatysty 199 materıal ishki ister organdaryna joldanyp­ty. 2008 jyly osy merzimde bul kórsetkish 313-ti quraǵan. 11 ma­terıal boıynsha qylmystyq is qozǵalyp, eki is boıynsha úkim shy­ǵarylǵan. Al bıyl Qylmystyq kodekstiń 362-baby boıynsha isterdi qaraıtyn anyqtaý bólimi qurylmaq. Boryshkerlerdi ákimshilik jazaǵa tartý jaǵdaıy 2008 jylmen salystyrǵanda jaqsarǵan. Sotqa jiberilgen 250 materıaldyń 234-i boıynsha boryshkerler ákimshilik jaýapqa tartylǵan. Alańdaıtyn jaǵdaı, sot oryndaýshylarynyń arasynda da para alýshylyqtyń (7 adam) bolýy alańdatady. Olardyń barlyǵy jaýapqa tartylǵan. Budan keıin oblystyq sottar ákimshisiniń materıaldyq-tehnı­kalyq qamtamasyz etý bóliminiń bastyǵy B.Qabylov, sottar qyz­metin uıymdastyrý bóliminiń bastyǵy J.Júnisova jınalǵandar aldynda esep berdi. Oblystyq sottyń tóraǵasy M.Paqyrdinov keńeste sóz aldy. Ol sot oryndaýshylarynyń qu­qyqtyq mártebesiniń tómen, olar­dyń materıaldyq jaǵ­daıynyń nashar ekenine toqtala ketti. Tipti sot oryndaýshylaryn boryshker­ler úılerine kirgizbeýi bylaı tur­syn, ıtterin aıtaqtap qýýshy­lardyń bar ekenin tilge tıek etti. Alaıda, jumysty shırata túsý úshin eń aldymen temirdeı tártip qajet, biliktilik pen bilimdi qatar alyp júrgende sot or­yndaý­shy­synyń da bedeli arta túspek. Ońdasyn ELÝBAI. KEŃES BOLYP О́TTI Taıaýda Petropavl qalasynyń áskerı prokýratýrasynda áskerı prokýror Dinbaıan Muhanbetqalıevtyń tóraǵalyǵymen osyndaǵy áskerı qurylymdardyń salaaralyq keńesi bolyp ótti. О́tken jyly áskerde oryn alǵan qylmystardyń aldyn alý maqsatynda birqatar aldyn alý sharalary uıymdastyrylǵan. So­nyń arqasynda oń nátıjege qol jetkizýge múmkindik týǵyzylypty. Sóıtip, 2009 jyly qylmys sany 67 paıyzǵa tómendegen. Jıynda sóz alǵan áskerı prokýrordyń aǵa kó­mekshisi podpolkovnık I.Grebe­nıýk osylaı dep málimdedi. Bul – áskerı bólimder men áskerı quqyq qorǵaý organdarynyń birlese otyryp qımyldaǵan áreketteriniń nátıjesi, dedi sóziniń sońynda ol. Budan keıin áskerı prokýror D.Muhanbetqalıev qylmystardyń aldyn alýda kóp kómek bolyp tabylatyn beınebaqylaý júıesin ornatýdyń jaı-japsarymen ta­nysty. Onda belgili bolǵanyndaı, mundaı kameralar búgingi tańda tek IIM Ishki áskerleriniń áskerı ıns­tıtýty men №6637 áskerı bólimin­de ǵana ornatylǵan bolyp shyqty. Demek, bul osy baǵytta isteletin jumystar áli kóp degen sóz. Jıynda osyndaı jetimsizdikterge basa nazar aýdaryldy.