Seısenbi, 18 qyrkúıek 2012 8:15
Qazaqstan jáne Reseı memleketteriniń Prezıdentteri Nursultan Nazarbaev pen Vladımır Pýtınniń syndarly syrtqy saıasaty arqasynda qos eldiń arasyndaǵy tatý-tátti yntymaqtastyq odan ári keńeıip, jarqyn jalǵasyn taýyp keledi. Biz oǵan jýyrda Soltústik Qazaqstan oblysynda shekaralyq yntymaqtastyq sheńberinde ótken keleli kezdesýde aıqyn kóz jetizdik. Sóz arasynda ekijaqty iskerlik baılanys bıznes, ındýstrııa, bilim berý, mádenıet, sport, densaýlyq saqtaý, basqa da mańyzdy salalarǵa qatysty ózekti máselelerdi birlesip sheshý múddesin kózdegenin aıta ketken jón. Olardyń ishinde ınvestısııalaý jaıy jan-jaqty talqylanyp, birqatar mańyzdy mindetter belgilendi.
Seısenbi, 18 qyrkúıek 2012 8:15
Qazaqstan jáne Reseı memleketteriniń Prezıdentteri Nursultan Nazarbaev pen Vladımır Pýtınniń syndarly syrtqy saıasaty arqasynda qos eldiń arasyndaǵy tatý-tátti yntymaqtastyq odan ári keńeıip, jarqyn jalǵasyn taýyp keledi. Biz oǵan jýyrda Soltústik Qazaqstan oblysynda shekaralyq yntymaqtastyq sheńberinde ótken keleli kezdesýde aıqyn kóz jetizdik. Sóz arasynda ekijaqty iskerlik baılanys bıznes, ındýstrııa, bilim berý, mádenıet, sport, densaýlyq saqtaý, basqa da mańyzdy salalarǵa qatysty ózekti máselelerdi birlesip sheshý múddesin kózdegenin aıta ketken jón. Olardyń ishinde ınvestısııalaý jaıy jan-jaqty talqylanyp, birqatar mańyzdy mindetter belgilendi.
Búgingi kúni Qazaqstannan Omby oblysyna quıylǵan ınvestısııa mólsheri 100 mıllıon AQSh dollarynan asty. Alda mundaı qarjy tartýdy 1,5 ese ósirý belgilenip otyr. Kezdesý barysynda shekaralyq oblystar arasynda ekonomıkalyq, áleýmettik qarym-qatynastardy odan ári jetildiretin memorandýmǵa qol qoıyldy.
Bizdiń delegasııa Soltústik Qazaqstan oblysynyń birqatar aýdandary men ónerkásip jáne sharýashylyq uıymdaryn aralap, úırenerlik is-tájirıbeler jınaqtap qaıtty. Bizdi Prezıdent Nursultan Nazarbaevtyń Joldaýynda aıtylǵan talaptardyń múltiksiz atqarylyp jatqany, ásirese, qazaqstandyqtardy jumysqa tartý, qoljetimdi baspana, ındýstrııalyq-ınnovasııalyq jobalar, etti mal sharýashylyǵyn damytý máseleleri qatty qyzyqtyrdy.
Reseı Federasııasy shekaralyq oblystarynyń Qazaqstanmen áleýmettik-ekonomıkalyq baılanysy jyl ótken saıyn artyp keledi. Mysal retinde aıtatyn bolsaq, byltyr RF men SQO arasyndaǵy taýar aınalymy 600 mıllıon AQSh dollaryn quraǵan. «Petropavl qurylys materıaldary zaýyty» JShS Omby oblysyna polıetılen jáne qysymdy sý qubyrlaryn jetkizse, bizdiń «Sıbzaýyt» kásiporny sebý jáne topyraq óńdeý tehnıkalarymen qamtamasyz etedi. Aıta berse, mundaı mysaldar kóp. Sońǵy kezderi birlesken kásiporyndar qurýǵa belsene bet burylǵany da baıqalady.
Senimdi ári berik dostyqqa negizdelgen mundaı iskerlik baılanystarǵa Pavlodar qalasynda bolatyn eki el Prezıdentteriniń kezdesýi odan ári qýatty serpin bereri anyq.
Alekseı GLADENKO,
Omby oblysy úkimeti ónerkásip saıasaty,
baılanys jáne ınnovasııalyq tehnologııalar mınıstri.
RESEI.