О́tken jyly kásipkerlik salasynda iske asyrylyp jatqan memlekettik baǵdarlamalar qala jáne aýdandarda erekshe serpin aldy.
Oblystyq kásipkerlik jáne týrızm basqarmasy basshysynyń orynbasary Azamat Dosjanov: «Bıznestiń jol kartasy 2020» baǵdarlamasy sheńberinde Aral aýdany 1 mlrd. teńgege 16 joba jáne Jalaǵash aýdany 459 mln. teńgege 9 joba daıyndady. Baǵdarlama aıasyndaǵy jalpy nesıe portfeliniń 73 paıyzy Qyzylorda qalasymen shyǵarylǵan», - dedi.
Sondaı-aq, nátıjeli jumyspen qamtý jáne jappaı kásipkerlikti damytý baǵdarlamasy boıynsha Syrdarııa aýdanynan 167 kásipker, Jańaqorǵan aýdanynan 164 kásipker jáne Qarmaqshy aýdanynan 148 kásipker shaǵyn nesıe alǵan. Baǵdarlama aıasynda shaǵyn nesıeler berý úshin bólingen qarajattyń 569,3 mln. teńgesin Jańaqorǵan aýdanynyń kásipkerleri alyp, jemisti jumys jasap jatyr
Osyndaı memlekettik qoldaýlardyń arqasynda oblysta on tórt myńnan asa azamat turaqty jumys oryndarymen qamtyldy.
Baqtııar TAIJAN,
«Egemen Qazaqstan»
Qyzylorda oblysy