Ekonomıkalyq áriptestik – ilgerileý kepili

Ekonomıkalyq áriptestik – ilgerileý kepili

Seısenbi, 18 qyrkúıek 2012 8:05

Keńester odaǵy taraǵannan keıingi ekonomıkalyq baılanystar­dyń shirigen jipteı úzilý saldary áli esimizde. Egemendik alǵan bu­ryn­ǵy odaqtas respýblıkalar ara­synda birinshi bolyp táýelsiz Qazaqstan kórshiles Reseımen baı­lanysty nyǵaıtýǵa qadam ja­saǵany da belgili. Ejelden barys-kelisi toqtamaǵan, qarym-qatyna­sy qalypty kórshi memleket­ter­diń ekonomıkalyq áriptestigi soń­ǵy jyldary burynǵydan nyǵaıa tústi. Buǵan kórshiles aımaqtarda alma-kezek uıymdastyrylyp otyr­ǵan aımaqaralyq yntymaq­tas­tyq forýmdary, ónerkásip taýarlarynyń kórmeleri de ana­ǵurlym yqpal etýde.

 

Seısenbi, 18 qyrkúıek 2012 8:05

Keńester odaǵy taraǵannan keıingi ekonomıkalyq baılanystar­dyń shirigen jipteı úzilý saldary áli esimizde. Egemendik alǵan bu­ryn­ǵy odaqtas respýblıkalar ara­synda birinshi bolyp táýelsiz Qazaqstan kórshiles Reseımen baı­lanysty nyǵaıtýǵa qadam ja­saǵany da belgili. Ejelden barys-kelisi toqtamaǵan, qarym-qatyna­sy qalypty kórshi memleket­ter­diń ekonomıkalyq áriptestigi soń­ǵy jyldary burynǵydan nyǵaıa tústi. Buǵan kórshiles aımaqtarda alma-kezek uıymdastyrylyp otyr­ǵan aımaqaralyq yntymaq­tas­tyq forýmdary, ónerkásip taýarlarynyń kórmeleri de ana­ǵurlym yqpal etýde.

Ertis óńirinde ótkizilgeli otyr­ǵan Qazaqstan men Reseıdiń IX aımaqaralyq yntymaqtastyq forýmy aıasynda da birqatar birlesken ınvestısııalyq jobalarǵa jol ashylary sózsiz.  Mundaı forým kezinde Aqtóbede de ótkizildi. Sonda eki kórshiles memlekettiń ekonomıkalyq áleýetiniń bir arnada damý múmkindikteriniń mol­dy­ǵy aıqyn ańǵaryldy. Qazir de Aqtóbe óńirinde jumys istep jatqan,  óz ónimderin usynýshy kom­panııalar bar. Bizdiń  quryl­taı­shymyz – Reseıdiń «Lýkoıl» kompanııasynyń Qazaqstanda  ju­mys istegenine biraz boldy. Bizdiń seriktestik Muǵaljar aýdanynda munaı óndirýmen aınalysady.

Bıyl ǵana paıdalanýǵa berilgen seriktestiktiń  gaz óńdeý zaýy­ty óte mańyzdy joba bolyp ta­bylady. Zaýyttyń qýattylyǵy jylyna 420,0 mıllıon tekshe metr munaıǵa ilespe gazdy óń­deýge múmkindik beredi. Jobanyń quny – 41,7 mıllıard teńge. Zaýyt qurylysynda 1,5 myńnan astam adam eńbek etti. Jańa ká­siporynda da jańa jumys oryn­da­ry ashyldy. Bul zaýyttyń iske qosylýy oblys turǵyndary men kásiporyndardyń kógildir otynǵa degen suranysyn qanaǵattan­dy­rýǵa, sondaı-aq, jańa óńdeýshi kásiporyndardy damytýǵa jáne óńirdegi ekologııalyq ahýaldy saýyqtyrýǵa múmkindik beredi.

Zaýyt quramyna kiretin gaz óńdeý kesheninde  420 mıllıon tekshe metr gaz óńdelip qana qoı­maıdy, buǵan qosymsha 300 mıllıon tekshe metr qurǵaq gaz, 45 mıllıon tekshe metr syǵymdalǵan gaz,  6 myń tonna gazdyq benzın jáne 10 myń tonna túıirshikti kú­kirt óndiriledi.

Seriktestik kásipkerliktiń áleý­mettik jaýapkershiligin de umyt­paıdy.  Munaı óndiriletin óńir­lerdegi aýyldyqtardyń óz kásibin ashýǵa kómek beretin «Lýkoıl» kompanııasynyń «Araı» áleý­mettik baǵdarlamasynyń ıgiligin oblystyń bizdiń seriktestik ju­mys isteıtin úsh aýdanynyń turǵyndary úsh jyldan beri kó­rip keledi. Aýyldyq jerde kásip­kerlikpen aınalysýǵa talaptan­ǵan­darǵa 850 myń teńgege deıin ótemsiz nesıe beriledi. Sonyń ná­tıjesinde kóptegen aýyl turǵyn­dary turmystyq qyzmet kórsetý nysandaryn ashty, qolónershilik­ti damytty, mal, qus, kókónis ósir­di. Sóıtip, sharýasyn qalyp­tastyryp, turmysyn túzedi. Mine, yntymaqtastyqtyń paıdasy, ortaq ıgiligi osylaı bolsa kerek.

Forýmǵa qatysýshylardyń ju­mystaryna sáttilik tileı oty­ryp, birikken is-qımyl­dary­myz­dyń qaıtarymy mol bolatynyna senim artamyn. Mundaǵy iskerlik kezdesýler men ózekjardy áńgimelerdiń ilgerileýimizge jańa iz ashatynyna esh kúmán joq.

Andreı REShETNEV,

«Qazaqoıl Aqtóbe» JShS

bas dırektory.

Aqtóbe oblysy.