Jasyratyny joq, qoǵamda áleýmettik jaǵynan az qamtylǵan adamdar legi kóbeıip keledi. Qazir turǵyndar arasynda jumysqa ornalasý, balalardy tegin ystyq tamaqpen qamtý, turǵyn úı jaıy, qystyq otyn máselesi sııaqty turmystyq máselesin aıtyp aryzdanýshylar az emes. Jáne áleýmettiń kómek surap baratyn jeri de sanaýly bolyp otyr. «Nur Otan» partııasynyń Qoǵamdyq qabyldaý bólimderi solardyń qatarynda.
О́tken jyly «Nur Otan» partııasy Almaty oblystyq fılıalynyń Qoǵamdyq qabyldaý bólimine 5516 adam aryz-armanyn aıtyp kelgen eken. Ártúrli deńgeıdegi 2176 ótinish qanaǵattandyrylyp, ońynan sheshilipti. Ár ótinish ıesi partııaǵa kelgende máselesiniń mańyzdylyǵy eskerilse, sheshimin tappaǵan suraǵyna jaýap alsam dep keledi.
Mysalǵa, partııanyń oblystyq fılıalyna qabyldaýǵa jazylǵan Taldyqorǵan qalasynyń turǵyny, jalǵyzbasty ana Indıra Tursynbekova turmysynyń tómendigin, qaraýynda múmkindigi shekteýli balasy bar ekenin aıtqan bolatyn. Jas ananyń jaǵdaıyn tyńdaǵan oblystyq fılıal tóraǵasynyń birinshi orynbasary, oblystyq máslıhat depýtaty Ǵalıasqar Sarybaev múgedek balaǵa kómek qolyn sozyp, bilim alatyn mektebiniń basshylyǵyna habarlasty. Nátıjesinde balanyń tegin tamaqtaný máselesi sheshildi. Jalǵyzilikti anaǵa tıesili járdemaqy alýyna oraı oblystyq fılıal basshysy qalalyq jumyspen qamtý jáne áleýmettik baǵdarlamalar bóliminiń basshysy Gúljan Ospanovaǵa habarlasyp, mán-jaıdy anyqtap, járdemaqy alýyna da járdemdesti. Partııanyń sharapaty tıgen jannyń biri – Araılym Ýalıeva. Araılym jas otbasyly, turmys qurǵanyna nebári jarty jyl bolǵan. Jumyssyz. Oblys ortalyǵyna kóship kelgen ýaqyttan beri óz mamandyǵy boıynsha qyzmet etip, meıirbıke bolýdy arman etetin. Alaıda, jas mamanǵa eshbir jerden kómek qolyn sozatyn adamdar tabylmady. Taýy shaǵylyp, kóńili qulazyǵan Araılym Taldyqorǵan qalalyq fılıalynyń qoǵamdyq qabyldaý bólmesine kelip, bar jaǵdaıdy aıtty. Partııalyqtar jas mamanǵa kómek kórsetýge ázir ekendikterin aıtyp, Taldyqorǵan qalalyq qoǵamdyq densaýlyq saqtaý basqarmasynyń basshysy Ermek Ásemqulovtyń qabyldaýyna kirgizdi. Ol kisi Araılymnyń nazyn tyńdap, jas ananyń Taldyqorǵan qalalyq aýrýhanasyna meıirbıke bolyp jumysqa qabyldanýyna yqpal etti.
Áleýmettik turmysy tómen otbasylarynan da partııalyqtarǵa kelýshilerdiń qatary az emes. Solardyń biri Erkin aýylynyń turǵyny Sáýle Qanapııanova. Sáýle apaı qalalyq fılıalǵa kómir alýǵa járdemdesýge kómek surap keldi. «Nurotandyqtar» okrýgten saılanǵan oblystyq máslıhat depýtaty Qalmahanbet Dónsebavqa habarlasyp, qabyldaýǵa kelgen ananyń ótinishin jetkizdi. Másele birden sheshimin taýyp, úsh kúnniń ishinde Sáýle apaıdyń úıine kómir túsirilip, aýyldyq okrýg ákimshiligi tarapynan jáne qalalyq máslıhat depýtaty Temirbolat Ahajannan da azyq-túlik jetkizildi. Nurotandyqtar da máseleden shetkeri qalmaı, qystyq aıaq kıim alyp berdi. Kóksý aýdanynda da osyndaı birneshe máselemen partııa esigin qaqqan azamattarǵa qolǵabys berildi. Kóksý aýdanynyń bilim bóliminiń basshysy Tleýmurat Seıtnııazov qabyldaýyna jazylǵan Juldyz Qalqabaeva kópbalaly ana, balalaryna mektepten tegin tamaqtanýǵa múmkindik surap keldi. Bul suranysy ońtaıly sheshilip, qazirgi ýaqytta mektep oqýshylary ystyq tamaqpen qamtyldy.
Qoǵamdyq qabyldaý bólmesiniń kópshilikke qoljetimdiligi, qabyldaý júrgizetin azamattyń kez kelgen saýalǵa jaýap berýge daıarlyǵy, tipti fılıal qyzmetkeriniń qabyldaý kelýshilerdi jyly shyraımen kútip alýynyń ózi – kóńilge qýat. Árkim meıirimdilik pen qaıyrymdylyqqa ózi jol bastasa, qoǵam da osy baǵytqa bet burar edi...
Qalmahanbet MUQAMETQALI,
«Egemen Qazaqstan»
Almaty oblysy