Bul Qazaqstannyń Vengrııadaǵy Elshisi Nurbah Rústemovtyń Syrtqy ister mınıstrliginde ótken qazaqstandyq BAQ ókilderi úshin brıfınginde sóılegen sóziniń tezısteriniń biri boldy.
Barlyǵyna málim, joǵary deńgeıdegi saıası baılanystar men tabysty saýda-ekonomıkalyq yntymaqtastyqqa qosa, Qazaqstan men Vengrııa uzaq ýaqyt boıy týystyq tamyrlarmen baılanǵan. Majarlardyń ózderi qypshaq-túrik negizinen shyqandyǵyn málimdeıdi. Eki el arasynda tyǵyz tarıhı baılanystar bar, óıtkeni qazirgi zamanǵy ortalyq-shyǵys Vengrııa aýmaǵynda HIH ǵasyrdyń birinshi jartysynda Torǵaı dalasynan qonys aýdarǵan qypshaq taıpalarynyń urpaqtary ómir súredi. Vengrııa Túrkitildes memleketterdiń yntymaqtastyq keńesinde jáne Túrki Akademııasynda baqylaýshy mártebesine ıe bolyp, olardyń qyzmetine úlken qyzyǵýshylyq tanytýda. Qazaqstan delegasııasy Vengrııada ótetin jyl saıynǵy «Madıar-Turan» quryltaıyna qatysady. Bul is-sharaǵa búkil álemniń túrki halyqtarynyń ókilderi kelip, kıiz úıler qoıylyp, túrli baıqaýlar men kóshpendiler oıyndary uıymdstyrylady. Býdapeshtte Astananyń kóshesi bar, onda Abaı Qunanbaevtyń músini ornatylǵan. Vengrııanyń jastary Seged ǵylymı ýnıversıtetinde qazaq tilin tereńdetip oqýda.