Búgin Prezıdenttiń ustazy, Barys jáne Parasat ordenderiniń ıegeri Seıithan Ahmetuly Isaev dúnıeden ozdy. Bul týraly kaskelen.kz saıty habarlady.
Ol Uly Otan soǵysynyń ardageri, tarıh pániniń ardager muǵalimi edi. Qazaqstannyń eńbek sińirgen qyzmetkeri. Qazaqstan Bilim salasynyń qurmetti qyzmetkeri bolǵan.
S.Isaev Qaraǵandy oblysy Aqtoǵaı aýdany №9 aýylynda dúnıege kelgen.
1941 jyly Abaı atyndaǵy Qazaq ulttyq pedagogıkalyq ýnıversıtetiniń tarıh fakýltetin bitirgen.
Eńbek jolyn 1941 jyly Almaty oblysy Eńbekshiqazaq aýdanynyń ortalyǵyndaǵy Esik qazaq orta mektebinde tarıh páninen sabaq berýden bastaǵan.
1942 jyly armııa qataryna shaqyrylyp, Orlov áskerı ýchılıshesine oqýǵa jiberiledi. Qysqa merzimdi ýchılısheni leıtenat áskerı ataǵymen bitirip, Ashhabadtaǵy №18 mergender mektebinde vzvod komandıri bolyp qyzmet istep, 1943 jyly soǵys maıdanyna attanady. 2-Ýkraın maıdanynda 41-gvardııa dıvızııasynyń 24-polki birinshi batalonynyń quramynda soǵysta bolady. Dnepr shaıqasy men Korsýn – Shevchenkony qorshaý jáne ony bosatý shaıqasyna qatysyp, erlikter kórsetedi. Soǵysta eki ret jaralanyp, sońǵy aýyr jaradan armııa qataryna jaramsyz múgedek retinde eline oralady.
Soǵystan kelgen soń pedagogıkalyq jumysyna kirisip ketedi. Almaty oblysy Qarasaı aýdany Esik orta mektebinde muǵalimdik, mektep dırektorynyń oqý-tárbıe jumysy jónindegi orynbasary, dırektory bolyp qyzmet atqardy.
1948 jyly Qaskeleńdegi Abaı atyndaǵy qazaq orta mektebi dırektorynyń oqý-tárbıe jumysy jónindegi orynbasary qyzmetine aýystyrylyp, birneshe jyl sonda qyzmet atqaryp, keıin aýdanda jańadan ashylǵan Qarasaı aýdandyq tarıhı-ólketaný mýzeıine ǵylymı qyzmetker bolyp aýysady.
1999 jyly qurmetti demalysqa shyqty. Odan keıin aýdandaǵy ardagerler keńesin basqardy. О́miriniń sońyna deıin Qaskeleń qalasynda turdy. Ol birneshe kitaptyń avtory.