Astanada anasymen serýendep júrgen bala qudyqqa túsip ketken. Qutqarýshylar kelgenshe onyń anasyna 10-synyp oqýshysy kómektesken. Bul týraly IIM TJ komıtetiniń baspasóz qyzmeti habarlady.
2014 jyly dúnıege kelgen bala anasymen Qarasaı batyr kóshesinde serýendep júrip eki metr tereń qudyqqa túsip ketken. Bul habar qutqarýshylarǵa 15 aqpanda saǵat 11.30-da túsken.
«Qutqarýshylar kelgenshe №39 mekteptiń 10-synyp oqýshysy balany qudyqtap alyp shyqty. Qulaǵan bala №2 balalar qalalyq aýrýhanasyna jetkizildi. Oqýshyny qutqarýshylar úıine jetkizip saldy», - dep habarlady TJK resmı ókili Nursultan Nurahmetov.
2018 jyldyń sońynda Astananyń sol jaǵalaýynda 200-den asa beti ashyq jatqan qudyq anyqtalǵan. Ákimdik ókilderi ashyq qalǵan qudyq kórgenderden habardy 109 nómirine jetkizýdi surady.