Beısenbi, 26 sáýir 2012 7:19
Men ótkeni ertegi, erteńi eńseli Qazaqstanda, álem tamsanǵan Astanamyzǵa irgeles Shortandynyń Novokýbanka aýylynda týyp-óskenime qýanamyn. Aýylymyzdaǵy jıyrmadan astam ult pen ulys ókilderi tatý-tátti turmys keship, adal eńbekterimen abyroıymyzdy asyrýda. Sonaý Baltyq jaǵalaýyn mekendegen ákem Artýrs sekseninshi jyldary osynda qonys aýdarǵan eken. Qarapaıym máshıne júrgizýshi. Eshqashan jaman atyn estimegenbiz. Aǵam Artem ekeýmizdiń ǵana emes, búkil aýyldyń syılysy dese bolarlyqtaı. Anamyz erte qaıtys bolǵanymen, el ishinde jetimdik kórgen joqpyz.
Beısenbi, 26 sáýir 2012 7:19
Men ótkeni ertegi, erteńi eńseli Qazaqstanda, álem tamsanǵan Astanamyzǵa irgeles Shortandynyń Novokýbanka aýylynda týyp-óskenime qýanamyn. Aýylymyzdaǵy jıyrmadan astam ult pen ulys ókilderi tatý-tátti turmys keship, adal eńbekterimen abyroıymyzdy asyrýda. Sonaý Baltyq jaǵalaýyn mekendegen ákem Artýrs sekseninshi jyldary osynda qonys aýdarǵan eken. Qarapaıym máshıne júrgizýshi. Eshqashan jaman atyn estimegenbiz. Aǵam Artem ekeýmizdiń ǵana emes, búkil aýyldyń syılysy dese bolarlyqtaı. Anamyz erte qaıtys bolǵanymen, el ishinde jetimdik kórgen joqpyz.
Qarapaıym sygan balasynyń baqytty ǵumyry Qazaqstan Táýelsizdigimen tyǵyz baılanysty degim keledi. 1991 jyldyń 16 jeltoqsanynda dúnıege kelgenimdi maqtan etemin, biraq ózge qurby-qurdastarymnan eshqandaı ereksheligim joq. Qaıta moınymdaǵy jaýapkershilik basqalarǵa qaraǵanda salmaqtyraq ekenin sezinemin. Bul elde Táýelsizdikke qatysty qundylyqtar aıryqsha qasterlenedi. Men 10 jasqa tolǵan kúnimde Qazaqstan Respýblıkasynyń Prezıdenti Nursultan Ábishuly Nazarbaevtyń shaqyrýymen Astanadaǵy saltanatty qabyldaýda boldym. Elbasynyń qolynan elektrondy uıymdastyrý quraldarymen qatar, úsh tilde jazylǵan «Qazaq ertegilerin» alýym meni kóp oıǵa qaldyrdy.
Balalardyń armany sheksiz ári asaý keletini bar. Men áskerı qyzmetshi, dáriger, muǵalim, tipti, geolog bolýdy da armandaıtynmyn. Novokýbanka orta mektebiniń dırektory Frans Iýlııanovıch Rakovskıı attestat alǵannan keıin maǵan aqparat salasyndaǵy mamandyqty tańdaýyma keńes berdi. О́zimizdiń JShS dırektory Shota Dobroskok ta aýylǵa osyndaı ınjenerler aýadaı qajettigin aıtqany jaqsy úmitterge jeteledi. Mine, qazir Kókshetaýdaǵy A.Myrzahmetov atyndaǵy ýnıversıtette «Aqparattyq júıeler» mamandyǵy boıynsha oqyp júrmin. Munda kelýimniń taǵy bir sebebi, ýnıversıtet ataqty ǵaryshkerimiz Talǵat Musabaevpen tyǵyz baılanys jasaıtynyn biletinmin. Aıtqandaı-aq, ol kisi jyl saıyn bizde qonaqta bolyp, óziniń atyndaǵy stıpendııany tapsyryp júr. Meniń armanym – aldaǵy kýrstarda úzdikter qatarynan kórinip, dańqty ǵaryshkerdiń qolynan sondaı sertıfıkat alý. Al el ishindegi tatýlyq pen túsinistik bizdi budan da joǵary jetistikterge jetkizetinine senimdimin. Oǵan biz aıryqsha jaýaptymyz.
Sandıs IаÝNZEMIS, Kókshetaýdaǵy A.Myrzahmetov atyndaǵy ýnıversıtet stýdenti.