Jastar senimge laıyq

Beısenbi, 26 sáýir 2012 7:25

«Jetisý jastary» ortalyǵy jaqynda «Bolashaq búginnen bastalady» atty res­pýblıkalyq aksııa aıasynda qyz-jigitterdi ortalyq alańǵa jınady. Kezdesý merekedegideı ótti. Alańǵa jınalǵan jastardy qala basshylyǵy men qoǵamdyq birlestik, jastar uıymdarynyń kóshbasshylary jáne ardagerler qarsy aldy. «Jetisý jas­tary» ortalyǵynyń dırektory R.Alpys­baev ata-baba amanattaǵan elimizdiń tynyshtyǵyn saqtaýǵa, órkendetýge aıanbaı kúsh-qaırat tanytýǵa mindettimiz, dedi.

Beısenbi, 26 sáýir 2012 7:25

«Jetisý jastary» ortalyǵy jaqynda «Bolashaq búginnen bastalady» atty res­pýblıkalyq aksııa aıasynda qyz-jigitterdi ortalyq alańǵa jınady. Kezdesý merekedegideı ótti. Alańǵa jınalǵan jastardy qala basshylyǵy men qoǵamdyq birlestik, jastar uıymdarynyń kóshbasshylary jáne ardagerler qarsy aldy. «Jetisý jas­tary» ortalyǵynyń dırektory R.Alpys­baev ata-baba amanattaǵan elimizdiń tynyshtyǵyn saqtaýǵa, órkendetýge aıanbaı kúsh-qaırat tanytýǵa mindettimiz, dedi.

I.Jansúgirov atyndaǵy Jetisý memlekettik ýnıversıtetinde kóptegen ulttyń basyn qosatyn stýdentter oqyp, bilim alýda. Olar da atalǵan aksııa aıasynda tý­ǵan jerdiń túrlenip, qalanyń kórkeıýine óz úlesterin qosýǵa ju­mylǵan. Tili basqa, tilegi bir stýdent­terdiń óz halqyna degen júrekjardy lebizderi de arnasynan asyp tógildi. Má­selen, mádenıet jáne óner fakýltetiniń 1-kýrs stýdenti Angelına Karapetıans óz pikirin bylaı bildirdi:

– «Týǵan anańdaı aq sútin berip, mápe­lep ósirgen Otandy súıý – qasıetti bory­shymyz» degen ulylardan qalǵan tamasha sóz bar eken. Al, qazaqpen týǵanyndaı bite qaınasyp, jumylǵan judyryqtaı ju­mys jasap, urpaǵyn ósirip jatqan qan­shama ult ókilderi Qazaqstanda tatý-tátti ómir keshýde. Qaı elde ómir súrmesin onyń tilin, tarıhyn, mádenıetin qurmet­teý – kimge bolsa da paryz. Osy oraıda meniń ultym orys bolsa da, Qazaqstandy týǵan Otanym, al qazaq tilin bilýdi Otan aldyndaǵy paryzym dep bilemin, – dedi ol.

Áńgimege aralasqan gýmanıtarlyq fa­kýltettiń 4-kýrs stýdenti Zara Sy­dyqova da tebirene sóıledi. «Men qazaq tilin bilgenimdi maqtan tutamyn, – dedi ol. – Meniń uıǵyr dostarymmen birge, qa­zaq dostarym da óte kóp. Atalǵan ýnıversıtette 10-nan astam ózge ult ókilderi joǵary bilim alyp jatyr. Biz barlyq sharalarǵa qatysyp, birlikti, ynty­maq­ty, dostyqty dáripteımiz. Qazirgi tańda memlekettik tildiń mártebesin kóterý, qoldaný aıasyn keńeıtý kerektigin aǵa býyn ókilderi jıi kóterip jatady. Al men buǵan qazaq tilin bilý arqyly, sol tilde sóıleý arqyly úlesimdi qosyp ja­tyrmyn desem artyq aıtpaǵanym. «Hal­qyn súıgen – saltyn da súıer» degendeı, qazaq halqyn qanshalyqty qurmettesek, tiline de sonshalyqty qurmetpen qaraýymyz kerek. Endeshe, bizder – ózge ult ókilderi qazaq tilin, saltyn qurmettep, ulttyq baılyqty saqtaýǵa atsalyssaq, odan utpasaq, utylmaımyz».

Iá, jastar – qashanda jaqsy isterdiń jarshysy. Olardyń búgingi belsendiligi joǵary senim bildirýge ábden laıyq.

Kúmisjan BAIJAN.

Almaty oblysy.