Birligi jarasqan aýyl bar

Senbi, 28 sáýir 2012 1:05

Oblystaǵy Aqtoǵaı aýdanynda turatyn ózge ult ókilderi qaı salada bolmasyn belsendi. О́zderi týyp-ósken aýyldary úshin eńbek etýde. Mysaly, orys Igor Golovashov basqa­ratyn «Aqtoǵaı-Agro» fırmasyn, ýkraındar Anatolıı jáne Vladımır Fılıpıshınderdiń «Nadejda» jáne «Vesna», nemis Nıkolaı Vıdıkerdiń «Qazaq­stan», ıngýsh Dekalo Merjoev­tyń «Alǵa», cheshen Elmah Alı­sýltanovtyń «Beı­bit» qoja­lyq­taryn úlgi etip aıtýǵa bolady.

Senbi, 28 sáýir 2012 1:05

Oblystaǵy Aqtoǵaı aýdanynda turatyn ózge ult ókilderi qaı salada bolmasyn belsendi. О́zderi týyp-ósken aýyldary úshin eńbek etýde. Mysaly, orys Igor Golovashov basqa­ratyn «Aqtoǵaı-Agro» fırmasyn, ýkraındar Anatolıı jáne Vladımır Fılıpıshınderdiń «Nadejda» jáne «Vesna», nemis Nıkolaı Vıdıkerdiń «Qazaq­stan», ıngýsh Dekalo Merjoev­tyń «Alǵa», cheshen Elmah Alı­sýltanovtyń «Beı­bit» qoja­lyq­taryn úlgi etip aıtýǵa bolady.

Sonymen qatar, tatar, orys, cheshen-ıngýsh, ýkraın, bolgar etnomádenı birlestikteri dos­tyq, birlik jolynda birlese qyzmet jasaýda. Tipti, aýdan­daǵy bir ǵana Razýmov dep atalyp júrgen aýyldyq aýmaqta turatyn tómendegi otbasylardy atap ótsek, dostyq, ózara keli­sim degenimiz osy dep oılaısyz.

Ertis ózeni jaǵasyndaǵy bul aýyl, atynyń ózi aıtyp tur­ǵan­daı, otarlaý saıasaty kezinde al­ǵash­qy qonys aýdarýshylardy qar­­sy alǵan aýyl. Osy kúngi tur­ǵyn­dary alǵash­qy qonys­ta­ný­shy­lardyń urpaq­tary sanalady.

Ekinshiden, Razýmov aýyldyq aýmaǵyna shetel asqan óz qan­dastarymyzdyń qaıta oralyp, qazaqy ortany toltyryp, osy jerge qonystanǵany da qut-be­reke. Razýmov aýylyn bolgar halqynyń ókilderi alǵash kelgen kezden bastap, ıaǵnı qazirgi Petr Angelovtyń atalary da mekendepti. Al Petrdiń ózi tyń ıgerý jyldary – 1954 jyly osy aýylda ómirge kelipti. Ju­baıy – Zaǵıpa Temirǵalıqyzy qa­zaq qyzy. Ekeýi úsh balanyń ata-anasy, nemereleri bar. Petr aǵaı mektepte kúzetshi bolsa, Zaǵıpa úı sharýasynda. Erli-zaıypty Angelovtardyń jeke aýla sha­rýa­shylyǵynda maldary, qustary bar, baý-baqsha ósiredi.

Ekinshi otbasy orys Vıktor Gennadevıchtiń áıeli Aıgúl Tólegenqyzy da qazaq, ekeýiniń 6 balasy qazaq synybynda oqı­dy, qazaqsha-oryssha aǵyp tur. Vıktor aǵaı mektepte sharýa­shylyq isiniń meńgerýshisi. Al qazaq Jomart Áripovtiń zaıyby Svetlana Gennadevna – orys qyzy. Ol kisi qazaq shańyraǵyna kelin bolyp túskenin qatty qadirlep, ultymyzdyń salt-dástúrin jaq­sy úırenip alypty. Otbasynda 4 bala bar.

Bul aýylda sondaı-aq sonaý alystaǵy Qap taýyndaǵy ha­lyq­tardyń biri – cheshen ulty­nyń ókili Anzorovtar turady. Ota­ǵa­sy Bamatgırı Anzorov ár etnos óz ata-baba mekenine kete basta­ǵan kezeńde bizdiń elimiz­den basqa jaqqa ketýdi oılaryna da alma­ǵan eken. О́ıtkeni, týǵan jeri – Qazaqstan. Otany da Qazaqstan. Razýmov aýylynda 3 balasy men 9 nemeresi týdy. Bári ósip-óndi. Zeınetkerlik jasqa jetse de Bamatgırı aǵaı aýyl sharýashy­ly­ǵymen aınalysyp, mal ósiredi. Aýyl turmys-tirshiligine dán rıza. «Tynysh­tyq besigi – elimizdiń qara sha­ńyraǵy aman bolsyn, qa­zaq hal­qynyń keń peıiline, Elbasyna alǵysymyz sheksiz», deıdi ol.

Farıda BYQAI.

Pavlodar oblysy, Aqtoǵaı aýdany.