Qazaqstan 2019 jylǵy 13 aqpanda Irannyń Sıstan-Belýdjıstan provınsııasynda oryn alyp, kóptegen ırandyq áskerı qyzmetshilerdiń ólimine ákelip soqqan terrorıstik áreketterdi qatań túrde aıyptaıdy.
Qazaqstan terrorızmniń kez kelgen kórinisine qarsy ymyrasyz kúresti óziniń tolyq qoldaıtynyn rastaı otyryp, terrorızmge qarsy keń aýqymdy halyqaralyq koalısııa qurý arqyly osy baǵyttaǵy halyqaralyq áreketterdi úılestirýdi barynsha nyǵaıtýǵa shaqyrady. Adamgershilikten jat bul qasiretterdiń uıymdastyrýshylary men nasıhatshylary anyqtalyp, qatty jazaǵa tartylý qajet.
Qaza tapqandardyń jáne zardap shekkenderdiń januıalaryna, sondaı-aq Iran halqy men úkimetine kóńil bildiremiz.