Qandaı qoǵamda bolmasyn, qaıyrymdylyq pen qoldaýdy qajetsinetin jandar bolmaı turmaıdy. Ásirese mundaı kómekke kóp balaly turmysy tómen otbasylar, qamqorshysynan aıyrylǵan kóp balaly analar zárý ekeni – aıtpasa da belgili. Osy máseleni retteý úshin óńirde arnaıy jumyldyrýshy toptar quryldy. Onyń músheleri turmysy tómen, tabysy az, turaqty baspana máselesi sheshimin tapaǵan otbasylardyń úılerine baryp, jaı-kúılerimen tanysýdy turaqty iske aınaldyryp keledi. Onyń quramynda qoǵam qaıratkerleri, máslıhat depýtattary, kásipkerler, qoǵamdyqqorlar men memlekettik organdardyń ókilderi bar.
Sondaı-aq bul quramda aımaqtaǵy abyroı-bedeli joǵary, elge syıly, ómirden kórgeni men túıgeni mol zeınet jasyndaǵy adamdar da bar. Solardyń biri prokýratýra organdarynyń ardagerý Márııa Tádjibaeva muqtaj jandarǵa kómek kórsetý isiniń bel ortasynda júr. Men ózimde zeınettemin, áıtse de top quramynda el-jurtqa qolymnan kelgen kómegimdi tıgizýdi qajet dep taptym. Sonda baıqaǵnym, birqatar otbasylar men muqtaj jandar ózderiniń zańdy quqyqtaryn bile bermeıtini. Olarǵa osy turǵydan zańdyq keńester berýi paryzym dep sanaımyn. Tutastaı alǵanda qarapaıym turǵyndar jergidikti bıliktiń ózderin eleýsiz qaldyrmaǵany úshin rızashylyqtaryn bildirýde deıdi ol.
- Jumyldyrýshy jumysshy toptar turmys deńgeıleri tómen otbasylardyń jaı-kúıimen tanysqanan keıin. Tıisti sheshim qabyldaıdy. Qajet jaǵdaıda olarǵa ártúrli materıaldyq kómekter berý sharalaryn uıymdastyrady. Bul másele jumyldyrýshy toptar músheleriniń qatysýymen qalalyq ákimdik janynda turmysy tómen otbasylarǵa kómek kórsetý jóninde qurylǵan shtabtyń májilisinde talqylanyp, túbegeıli sheshimin tabady dedi gazet tilshisine Aqtóbe qalasynyń ákimi Ilııas Ispanov.
О́ńirde derbes baspanasy joq, páter jaldap turatyn kóp balaly analarǵa bıznes ókilderi men kásipkerler kómek kórsetýde. Ysaly taıaýda «AqtóbeStroıEkspert» JShS-nyń dırektory Jastalap Janbeýov qurqyltaıdyń uıasyndaı tar ýaqytsha baspanada turatyn segiz balanyń anasy, «Altyn alqa» ıegeri Saltanat Sádýovaǵa páter satyp alyp berdi. Bul úshin ol «Qolqanat Aqtóbe» qoǵamdyq qoryna qajetti qarajatty aýdarǵan. Osy arada kóp balaly ananyń eri ekinshi toptaǵy múgedek, ári eki perzenti arnaıy mektepte oqıtyn múgedek balalar ekenin de aıta ketken jón sekildi.
Sondaı-aq Aqtóbe qalasynda jaldamaly páterde turatyn alty balanyń anasy Galına Novıkovaǵa jer teliminiń sertıfıkaty berildi. Endigi kezekte Aqtóbeniń atymtaı jomartynyń biri, jeke kásipker Aıbek Ámirbaev berilgen jer teliminen oǵan úı salyp berýdi kózdep otyr. Aımaqta turmysy tómen kópbalaly otbasylarǵa áleýmettik kómek kórsetý isiniń ózge de mysaldary jetkilikti. Jumyldyrýshy toptar men Aqtóbe qalalyq ákimdigi janynan qurylǵan shtab músheleri alǵa qoıǵan maqsattaryn iske asyrý úshin naqty meken-jaılarǵa baryp, qarapaıym turǵyndardyń ótinishterine qulaq túrip júr.
Qorǵaı júr, qaıyrymdylyq!
Temir Qusaıyn,
«Egemen Qazaqstan»
AQTО́BE