Baǵaly bastamalar – ortaq shańyraq qyzmetiniń arqaýy

Baǵaly bastamalar – ortaq shańyraq qyzmetiniń arqaýy

Senbi, 28 sáýir 2012 1:28

Bizdiń «Dostyq úıinde» 10 etnomádenı birlestik jumys isteıdi. Jaqynda ózbek jáne armıan etnomádenı birlestikteri ashylady. Jalpy, olardy jigerli, shyǵarmashyl, yntaly adamdar basqarady. Qazaqstan hal­qynyń birligi kúnin merekeleý aıasynda etnoaýyldar úlgisin jasaý arqyly túrli etnostyń qo­naqjaılyǵyn, tatýlyǵyn, salt-dástúrlerin kórsetedi. «Dostyq. Birlik. Táýelsizdik» etnomádenı festıvali jyl saıyn uıym­das­tyrylyp turady. Jaqynda ol 14-shi ret ótti. «Tilder dostyǵy – ulttar dostyǵy» atty shara qanat jaıyp keledi. Sonymen qatar, qalalyq ishki saıasat bó­li­mimen birlese jastardyń dostyq festıvali ótkizilip turady.

 

Senbi, 28 sáýir 2012 1:28

Bizdiń «Dostyq úıinde» 10 etnomádenı birlestik jumys isteıdi. Jaqynda ózbek jáne armıan etnomádenı birlestikteri ashylady. Jalpy, olardy jigerli, shyǵarmashyl, yntaly adamdar basqarady. Qazaqstan hal­qynyń birligi kúnin merekeleý aıasynda etnoaýyldar úlgisin jasaý arqyly túrli etnostyń qo­naqjaılyǵyn, tatýlyǵyn, salt-dástúrlerin kórsetedi. «Dostyq. Birlik. Táýelsizdik» etnomádenı festıvali jyl saıyn uıym­das­tyrylyp turady. Jaqynda ol 14-shi ret ótti. «Tilder dostyǵy – ulttar dostyǵy» atty shara qanat jaıyp keledi. Sonymen qatar, qalalyq ishki saıasat bó­li­mimen birlese jastardyń dostyq festıvali ótkizilip turady.

Kenshiler qalasynda ártúrli ult ókilderi tatý-tátti ómir sú­rýde. Qazaqstan halqy Assam­bleıasynyń sessııasynda Elbasy Nursultan Nazarbaev aıtyp ketkendeı, shynynda da, bizdiń Assambleıa – kıeli besik, qutty shańyraq. Bul sózder qazaq hal­qynda qasterli uǵymdar ekeni belgili. Bizder Elbasynyń el birligin, aldaǵy bolashaqty oı­laǵan mundaı usynystaryn qol­daımyz. Ultaralyq birlik – bul bárimizdiń de tańdaýymyz.

Ul-qyzdarymyz, týystary­myz, dostarymyz, kórshilerimiz – bárimiz, osy elde ómir súrip jatqan soń, Elbasynyń birlik, tatýlyq jolyndaǵy eńbegin ba­ǵa­laımyz. Bizdiń Ekibastuz qala­syndaǵy «Dostyq úıi» oblysta alǵashqy bolyp boı kótergen sha­ńyraqtardyń birinen sanala­dy. Bárinen de qýa­natynymyz – osy úıdegi mádenı jıyn-sha­ralardan ózge ult ókilderiniń ul-qyzdary, ásirese, qart­ta­ry­myz qalmaıdy. Ardagerlerdiń óz ultynyń ótkeninen, tarıhynan, salt-dástúrlerinen syr shertip, jastarǵa aıtyp, úıretip oty­ra­tyndyqtary da bir ǵanıbet. О́zge etnos ókilderiniń barlyǵy eli­miz­diń memlekettik tili – qazaq tilin oqyp-úırenýde.

Etnomádenı birlestikter qa­lada ótetin barlyq mádenı merekelik sharalarǵa belsene qaty­sa­dy. Qandaı shara ótkizsek te biz­diń bul maqsattaǵy án-shashýy­myz el birligine, Otandy súıýge, patrıottyq rýhty kóterýge, qa­zaq halqymen birge kele jatqan dostyqty dáripteýge arnalady. Bul kúnderi etnomádenı birles­tik­terdiń qataryn jastarymyz tolyqtyra bastady. Máselen, «Dýlkyn», «Gıýzal-aı», «Slavıanochka», «Svitanok», «Marsho», «Boıahad», «Zodorınka» sııaqty án-bı ansamblderi úlkenderdiń izin basty.

Memlekettik tildi oqyp-úı­rený etnomádenı birlestikter mú­shelerin patrıottyq rýhta tár­bıeleýge yqpal etedi. Ár etno­mádenı birlestikte memlekettik tilde qarym-qatynas ja­saýǵa, óz ana tilin de oqyp-úı­renýge bar­lyq jaǵdaı jasalǵan. О́zderiniń ulttyq salt-dástúr­lerin jań­ǵyrtý etnomádenı birlestikter mú­shelerin de biriktire túsetini anyq. Sondyqtan bul baǵytta úl­ken jumys atqa­rylýda.

Teatrlandyrylǵan kórinis­teri bar «Nazerke», «Maslenısa», «Sabantoı» merekeleri dás­túrge aınaldy. Apalarymyz «Qy­myzmuryndyq», «Múshel toı», «Shashbaýly arý» merekelerine shaqyrady. «Ivan Kýpala», «Rojdestvolyq kezdesýler», «Slavıan jazýy men máde­nıeti kúni», «Roshashana» sııaqty evreılerdiń jańa jyldy qarsy alý merekeleri ótedi.

Sonymen qatar, biz «Dostyq úıine» óskeleń urpaqty, balalar men jastardy shaqyryp, olar­dyń qanatyn qataıtýdy qolǵa aldyq. Búgingi kúni jastar qa­na­ty ár etnomádenı birlestikte bar. Biz «Úmit» balalar úıimen, orta arnaýly jáne joǵarǵy oqý oryndarymen birlese sharalar ótkizip kelemiz. О́tken jyly «Dostyq úıi» bir aı boıy «Shirkin, Laıf» etnojobasynyń iske asýyna qatysty. Sonyń bary­synda ár etnomádenı birlestik «Qaınar» bilim berý-bos ýaqyt­ty qamtý keshenine kelgen bala­larǵa ulttyq as túrleriniń, dás­túrdiń, mádenıet pen ónerdiń erekshelikterin kórsetti.

«Polonııa» atty polıaktar bir­lestiginiń balalar ansambli qu­ryldy. «Vozrojdenıe» etno­má­denı birlestigi nemis tiliniń jaı-kúıine kóńil bólip otyrady. Nemis tilin úıretýge jumsala­tyn shyǵyndardy Gete atyndaǵy nemis etnomádenı birlestigi kóte­redi. «Bratstvo» atty slavıan birlestigi jyl saıyn «Slavıan jazbasy men mádenıetiniń kúnderin» ótkizedi. Tatar-bash­qurt­tardyń «Shatlyq» birlestigi «Sabantoı» oıyn-saýyq keshterine shaqyrady. Cheshen-ıngýsh­tar­dyń «Vaınah» jáne ázerbaı­jan­dardyń «Azerbaıjan» birlestikterinde Oraza aıynda múm­kindikteri shekteýli balalarǵa «Dos­tyq úıinde» qaıyrymdy­lyq as beriledi. Ýkraındardyń «Svitanok» birlestiginiń janyn­da «Dýdarykı» balalar ansam­bli men «Svitanok» hory án sa­lady. Koreılerdiń «Choson» jáne ev­reılerdiń «Beıahat» birlestikteri músheleri – aq jaý­lyqty analar aýyldardy aralap, qazaq halqy­nyń ádet-ǵu­ryp­tary men salt-dástúrlerin dáripteıdi. «Nazerke» teleklý­by efırge shyǵady.

Búgingi kúni bizdiń qala tur­ǵyndary úshin úlken mánge ıe «Dos­tyq úıine» ártúrli ult ókil­deri kelip, ortaq iske óz úles­terin qosyp júr. Munyń óte oń úrdis ekeni sózsiz.

Lıýdmıla MAKARChÝK, «Dostyq úıiniń» dırektory.

Pavlodar oblysy, Ekibastuz qalasy.