Bıylǵy «Jastar jylynyń» ashylý rásimi kezinde Memleket Basshysy jastarǵa eń qajettiniń biri –baspana ekenin atap kórsettti. Aqtóbe oblysynda osy máseleni retteý men sheshýge baılanysty biregeı baǵdarlamalar belgilendi. Sonyń biri –Jastar saıasaty máseleleri basqarmasy men «Turǵyn úı Qurylys Jınaq Banki» AQ arasynda jasalǵan elimizde eshqandaı balamasy joq jasampaz joba. Bul baǵdarlama oblystyń 29 jasqa deıingi jas turǵyndaryna arnalǵan.
Onyń bastapqy jarnasy nebári -350 myń tenge tóńireginde. Al ár aı saıynǵy tólem 33 myń tengeden aspaıdy. Osylaısha áleýmettik jáne bıýdjettik salada qyzmet atqaryp júrgen oblys jastary alańy 55 sharshy metr páterlerdi ıpotekalyq tásilmen satyp ala alady. Taza árleýdegi turǵyn úıdiń ár sharshy metriniń quny 100 myń tenge. Mundaı qoljetimdi baǵa olar úshin qarjylyq turǵydan óte tıimdi ekeni anyq.
Taǵy bir jaǵymdy jáıtk jańa baspanaǵa ıe bolý úshin ótinish bergen jastardyń kútken qýanyshtar uzaqqa sozylǵan joq. Aqpannyń ekinshi on kúndiginde olar jyly da jaıly, syńǵyrlaǵan sý jańa páterlerdiń kiltterine ıe boldy. Biregeı baǵdarlamany júzege asyrýdyń eń alǵashqy kezeginde oǵan oblystaǵy elý jas pen jas otbasylar qol jetkizdi. Búgingi kúni oblysta jastar jyly qurmetine ár saıyn jańa baspanalardyń kiltin tapsyrý jóninde is-sharalar kesheni belgilengen.
Temir Qusaıyn,
«Egemen Qazaqstan»
AQTО́BE