Qazgıdromet 18-20 aqpan kúnderine arnalǵan aýa raıy boljamyn habarlady.
18-20 aqpan aralyǵynda Astanada jaıaý burqasyn soǵyp, kóktaıǵaq bolady, jel ońtústikten, ońtústik-batystan 15-20 m/s jyldamdyqpen soǵady.
Aqmola oblysynyń keı jerlerine tuman túsip, kóktaıǵaq, jaıaý burqasyn bolady, jel ońtústikten, ońtústik-batystan 15-20 m/s jyldamdyqpen soǵady, ekpini 25 m/s-qa deıin jetýi múmkin.
Kókshetaý joldarynda kóktaıǵaq bolýy yqtımal.
Mańǵystaý oblysynyń keı jerlerine tuman túsip, kóktaıǵaq bolady, jel soltústik-batystan sekýndyna 15-20 metr jyldamdyqpen soǵady, ekpini - 20 m/s.
Aqtaýda kúndiz soltústik-batystan jyldamdyǵy 15-20 m/s jel soǵýy múmkin.
Aqtóbe oblysynyń keı jerlerinde boran soǵyp, tuman túsedi, kóktaıǵaq bolady, jel ońtústikten, ońtústik-batystan soǵady, onyń jyldamdyǵy túnde keı jerlerde jáne kúndiz oblys aýmaǵynyń basym bóliginde 15-20 m/s bolady. Aqtóbede kúndiz boran bolyp, jel ońtústikten, ońtústik-batystan 15-20 m/s jyldamdyqpen soǵady.
Túrkistan oblysynda taýly aýdandarǵa mol jaýyn-shashyn jaýady, keı jerlerge tuman túsip, kóktaıǵaq bolýy múmkin. Ońtústik-batystan soqqan jeldiń jyldamdyǵy keı jerlerde sekýndyna 15-20 metr, ekpini 25 m/s bolýy yqtımal.
Shymkentke tuman túsedi, jel ońtústik-batystan 15-20 m/s jyldamdyqpen soǵady. Túrkistanǵa tuman túsedi.
Qostanaı oblysynyń keı jerlerinde boran soǵyp, tuman túsedi, kóktaıǵaq bolady, jel ońtústik-batystan 15-20 m/s jyldamdyqpen soǵady. Qostanaıda boran bolyp, jel ońtústik-batystan 15-20 m/s jyldamdyqpen soǵady.
Qyzylorda oblysynda jel ońtústikten, ońtústik-batystan, keı jerlerde túnde sekýndyna 15-20 metr, kúndiz 15-20 m/s jyldamdyqpen soǵýy múmkin, ekpini 25 m/s-qa deıin jetedi.
Batys Qazaqstan oblysynyń keı jerlerinde boran soǵyp, tuman túsýi yqtımal, jel soltústik-batystan, batystan 18-23 m/s jyldamdyqpen soǵady. Oralda boran soǵýy múmkin, tuman túsip, kóktaıǵaq bolady, jel soltústik-batystan sekýndyna 18 metr jyldamdyqpen soǵady.