Ota ataýlyny ózimiz jasaımyz – deıdi oblystyq kardıohırýrgııa ortalyǵynyń tájirıbeli dárigerleri

Ota ataýlyny ózimiz jasaımyz – deıdi oblystyq kardıohırýrgııa ortalyǵynyń tájirıbeli dárigerleri

Beısenbi, 3 mamyr 2012 7:42

Oblystyq kardıologııalyq or­talyqqa at basyn arnaıy tireýi­mizge Petropavl qalasynda tura­tyn zeınetker Qazı Dáýletbaev qozǵaý saldy. Ol bizben habarlasyp, Elbasymyz ben osynda eńbek etetin aq jeleńdi abzal jandarǵa alǵysyn jaýdyryp baqty. «Sanaly ǵumy­rymdy sot salasyna ar­naǵan janmyn, qaraǵym! Seksen­niń seńgirine kelsem de kózim ashyq, kókiregim oıaý. El jańa­lyq­taryn árkez qada­ǵalap, oı eleginen ótkizip otyramyn.

Beısenbi, 3 mamyr 2012 7:42

Oblystyq kardıologııalyq or­talyqqa at basyn arnaıy tireýi­mizge Petropavl qalasynda tura­tyn zeınetker Qazı Dáýletbaev qozǵaý saldy. Ol bizben habarlasyp, Elbasymyz ben osynda eńbek etetin aq jeleńdi abzal jandarǵa alǵysyn jaýdyryp baqty. «Sanaly ǵumy­rymdy sot salasyna ar­naǵan janmyn, qaraǵym! Seksen­niń seńgirine kelsem de kózim ashyq, kókiregim oıaý. El jańa­lyq­taryn árkez qada­ǵalap, oı eleginen ótkizip otyramyn. Prezıdenttiń qaı Joldaýyn alsaq ta, deni saý ult – jal­py­ult­tyq mindet retinde qoıylyp, medısına salasyn da­mytýǵa baılanysty qadaý-qadaý sharýalar atqarylyp keledi. Den­saýlyq saqtaýdyń bire­geı ulttyq júıesi qabyldanyp, endi, mine, qazaqstandyqtardyń ortasha ómir súrý jasyn 72-ge deıin jetkizý mindeti qoıylyp otyr. Júrek-qan tamyrlary, obyr, týberkýlez sı­ıaq­ty asa qaterli aýrýlardy jer­gilikti jerlerde emdeı alatyn kúnge de jettik. О́ńimiz túgili túsi­mizge enbeıtin ǵajaıyp ózgeris­ter­ge kýá bolyp otyrǵanyma shúkir­shilik deımin». Qarııanyń bulaısha shattana, shalqı sóıleýiniń syry joq emes eken. Byltyr júregi syr berip, operasııa ústeline jatýyna týra kelgen. Janashyrlar tarapynan Reseıde, Astanada emdelý jó­ninde árqıly usynystar aıtylǵa­nymen, Qazekeń atalmysh emhana­nyń dárigerlerine senim artqan. Ota oıdaǵydaı jasalyp, jasynyń ulǵaıǵanyna qaramastan az kúnde saýyǵyp shyqqan. Anda-mynda sabylyp, shyǵyndanbaǵan. Mundaı rızashylyq sózder az aıtylmaıdy.

Osydan bes jyl buryn Úki­mettiń qaýlysymen №2 aýrýhana janynan 20 tósektik kardıohırýrgııa jáne 6 tósektik jansaqtaý bó­lim­sheleri ashylyp, materıaldyq-tehnıkalyq bazany nyǵaıtý, bi­likti mamandar daıyndaý baǵytta­rynda jan-jaqty uıymdastyrý jumys­tary úlken qarqynmen júr­di. Memleket basshysynyń tikeleı qolda­ýy­men qolǵa alynǵan respýblıka tur­ǵyndaryna kardıolo­gııa­l­yq jáne kardıohırýrgııalyq qyz­metti damytý baǵdarlamasy tyń iske odan ári serpin berip, bólimshe derbes kar­dıohırýrgııalyq orta­lyqqa aınaldyryldy. Onyń jab­dyqtalýy­na, ozyq medısınalyq qural jab­dyqtar men dıagnos­tı­ka­lyq keshender ornatylýyna jar­ty mıllıardtaı teńge jum­sal­dy. Dárigerler Reseı, Lıtva elderinde kásibı bi­lik­tilikterin, she­b­erlikterin jetildirip qaıtty.

– Qyzyljar óńirinde «Salamatty Qazaqstan-2015» memleket­tik baǵ­darlamasy oıdaǵydaı oryndalyp ke­le­di. Týberkýlezben syr­qat­­taný­­shy­lar sany 1,5 ese, sábı­ler­diń she­ti­neýi 21 paıyzǵa azaıdy. Onko­logııalyq jáne onkoge­ma­to­lo­gııa­lyq aýrýlar­dyń qazirgi zamanǵy hımııa­lyq terapııa standarttaryn engizý sharalaryn oılastyrýdamyz. Buǵan deıin júrek-qan tamyrlary keseli aldyńǵy orynda kelse, endi syr­qattar men ólimdi 25 paıyzǵa azaıtý múmkin­digi týdy. Buǵan orta­lyqtyń tı­gizip otyrǵan yq­paly zor, – dedi áńgimeles­keni­miz­de ob­lys­tyq den­saýlyq saqtaý bas­qarmasynyń bas­tyǵy Anatolıı Ko.

Onyń ashylýyna Densaýlyq saq­taý mınıstrliginiń ókilderi, As­ta­nadaǵy ulttyq ǵylymı-medı­sı­n­a­lyq ortalyqtyń dáriger-ǵal­ym­dary qatysyp aqyl-keńester berdi.

Bul oraıda Elbasy N. Nazar­baevtyń tikeleı qoldaýymen qolǵa alynǵan «Salamatty Qazaqstan» baǵdarlamasy ult densaýlyǵyn ny­ǵaıtýǵa baǵyttalǵan. Osynaý mańy­zy zor memlekettik is-shara aıasynda Qyzyljar óńirinde de medısına­lyq qyzmettiń sapasy jaqsaryp keledi.

О́mir ESQALI,.