Ortalyq kommýnıkasııalar qyzmeti (OKQ) alańynda «Ulttyq aqparattyq tehnologııalar» AQ óz qyzmetiniń negizgi baǵyttary boıynsha 2018 jyldyń qorytyndysy aıasynda eGOV.kz «Elektrondyq úkimet» portalynda atqarylǵan jumystaryn jarııalap, 2019 jylǵa arnalǵan josparlarymen bólisti.
Is-sharaǵa «Ulttyq aqparattyq tehnologııalar» AQ Basqarma tóraǵasy Áset TURYSOV, Basqarma tóraǵasynyń orynbasary Dáýlet BEKMANOV jáne Basqarmanyń aqparattyq qaýipsizdik departamentiniń dırektory Ǵanı NÁDIRHANOV qatysty.
2018 jyly «UAT» AQ-men súıemeldenetin aqparattyq júıelerdiń qoljetimdiliginiń ındeksi 99,95%-dy qurady (jospar boıynsha 99%).
«UAT» AQ-nyń halyqqa kórsetetin memlekettik qyzmetteriniń eń basty baǵyty bolyp tabylatyn eGOV.kz portalyn sońǵy 10 jylda paıdalanýshylardyń sany 800 esege jýyqtady. Iаǵnı 2009 jyly 10960 paıdalanýshy bolsa, búgingi kúni olardyń jalpy sany 8,6 mıllıonnan asty.
2018 jyly portal arqyly aýdarylǵan tranzaksııalar somasy 18,5 mlrd.teńgeden astam somany qurady. eGOV.kz portaly arqyly qoldanystaǵy 235 qyzmet pen servıs boıynsha 27,5 mln.-nan astam memlekettik qyzmet kórsetilse, al Telegramm-bot arqyly 24 elektrondyq qyzmet boıynsha 141 myń adamnan 160 myń suraý kelip tústi. Jyl qorytyndysy boıynsha Telegramm messendjerinde azamattar tarapynan eń kóp qoldanylǵan qyzmet - Mekenjaı anyqtamasy, bul qyzmet boıynsha 60 myńnan astam ret anyqtama suratylsa, al Sottylyqtyń bolýy nemese bolmaýy týraly anyqtama shamamen 20 myń ret suralǵan.
eGOV.kz portalynyń 5 qyzmeti Kassa 24 termınaldarynda tájirıbelik paıdalanýǵa berildi.
«Sıfrlyq Qazaqstan» memlekettik baǵdarlamasyn iske asyrý aıasynda vırtýaldy keńes berý baǵdarlamasy (chat-bot) engizilýde. Qazirgi ýaqytta chat-bot testilik rejımde 1414.kz forýmynda, eGOV.kz portalynda, Telegram jáne Facebook messendjerlerinde iske qosyldy. Basqarma tóraǵasy Áset Turysovtyń málimdeýinshe, vırtýaldy keńes berý baǵdarlamasy kórsetiletin 33 memlekettik qyzmet boıynsha 299 suraqqa jaýap bere alady. Sonymen qatar «Mgov» qosymshasy aqparattyq qaýipsizdik sáıkestigi boıynsha attestattaýdan sátti ótip, búgingi kúni azamattarǵa qosymsha arqyly 90-ǵa jýyq qyzmet, al @EgovKzBot telegramy arqyly 24 qyzmet qoljetimdi. О́tken jyly «mGov» qosymshasy 1,3 mln. ret júktelip, 2017 jylmen salystyrǵanda 58%-ǵa nemese 2 eseden astam kórsetkishke artty. Al qosymsha arqyly 3,6 mln.-nan astam memlekettik qyzmet kórsetildi.
UQK Aqparattyq qaýipsizdikti ulttyq úılestirý ortalyǵymen birlesip, 2019 jyly Kıberqaýipsizdik oqıǵalaryna qarsy áreket etý jónindegi Security Operation Center qurylady.
2018 jyly qaýipsizdik júıesinde 142 930 274 shabýyl tirkelip, buǵattaldy. Jalpy SOC-tyń negizgi artyqshylyǵy - aqparattyq qaýipsizdik oqıǵalary týraly derekterge turaqty monıtorıng jáne taldaý júrgizý arqyly olardy anyqtaý prosesin jaqsartý.
Áset Turysovtyń aıtýynsha, 2019 jyly «Smart Bridge» jobasyn júzege asyrý josparlanýda. «Smart Bridge» jobasy - bul memlekettik organdar men jeke menshik sektor arasyndaǵy aqparattyq júıelerdi ońtaılandyrýdyń jeńildetilgen prosesi, sondaı-aq back platforma bazasynda Memlekettik organdardyń aqparattyq júıelerin júıelik-tehnıkalyq súıemeldeý.
2018 jylǵy eń tanymal 10 qyzmet TOPTAMASY
№ Qyzmet ataýy Sany
Mekenjaı anyqtamasy 14 032 798
Dárigerdiń qabyldaýyna jazylý 2 877 713
Jyljymaıtyn múlikke tirkelgen quqyqtar týraly anyqtamalar 2 515 714
Jeke tulǵanyń jyljymaıtyn múlkiniń bolmaýy/bolýy týraly anyqtama 2 311 798
Sottylyǵynyń bolýy nemese bolmaýy týraly anyqtama 1 822 669
BJZQ salymshysy qarajatynyń qozǵalysy týraly aqparat 1 501 726
Zańdy tulǵalardy tirkeý 933 041
Jeke qosalqy sharýashylyqtyń bolýy týraly anyqtama 799 945
ZT-nyń tirkeýdiń barlyq áreketteri týraly anyqtama 371 476
Jeke tulǵanyń Zańdy tulǵaǵa qatysýy týraly anyqtama 293 396