Jýyrda Syrtqy ister mınıstri Beıbit Atamqulov EO elshilerimen Astanada kezdesý ótkizdi. Is-shara barysynda Qazaqstan-Eýropa ózara árekettesý máseleleriniń keń aýqymy, onyń ishinde saıası jáne saýda-ekonomıkalyq salalaryndaǵy áriptestikti tereńdetý perspektıvalary qaraldy.
Mınıstr óz sózinde Qazaqstan belsendi jáne turaqty saıası dıologpen sıpattalatyn Eýropalyq odaqpen qalyptasqan dostyq qatynastardy, Prezıdent Nursultan Nazarbaevtyń 2018 jyldyń qazanynda Brıýsselde ótken Azııa-Eýropa Forýmynyń 12-shi sammıtine qatysýy jáne onyń EO elderiniń kóshbasshylarymen kezdesýlerin oń baǵalanǵandyǵyn atap ótti.
Kezdesýde jýyrda óz kúshine tolyq enýi tıis Qazaqstan men Eýropalyq odaq arasyndaǵy Keńeıtilgen áriptestik pen yntymaqtastyq týraly Kelisimdi (KÁYK) tıimdi iske asyrý máselesine basty nazar aýdaryldy. Qatysýshylar KÁYK yntymaqtastyqtyń 29 salasynda ózara is-qımyldyń jańa múmkindikterin ashatyny týraly ortaq pikirge keldi.
Syrtqy saıası vedomstvosynyń ınvestısııalardy tartý jáne eksportty jaqsartý boıynsha alǵa qoıylǵan mindetterdi iske asyrý úshin kún tártibiniń negizgi máselesi retinde saýda-ekonomıkalyq baılanystardy odan ári nyǵaıtý jáne ártaraptandyrý boldy. Atap aıtqanda, Eýropalyq odaq Qazaqstannyń uzaq jyldardan beri saýda jáne ınvestısııalyq seriktesi. 2018 jyldyń 11 aıdyń nátıjesi boıynsha taýar aınalymy 34,4 mlrd AQSh dollaryn qurady (jalpy kólemniń 49%), al Qazaqstan ekonomıkasyna tartylǵan tikeleı sheteldik ınvestısııalardyń jalpy kólemi 2018 jyldyń birinshi jartyjyldyǵynda 12,3 mlrd AQSh dollaryn qurady. Sonymen birge, búgingi tańda eýropalyq kompanııalardyń qatysýymen Qazaqstanda jalpy quny 3 mlrd dollor kóleminde 24 aýqymdy ınvestısııalyq joba júzege asyrylýda.
Syrtqy ister mınıstri Beıbit Atamqulov «Búginde Qazaqstan álemniń eń damyǵan 30 eliniń qataryna kirý maqsatyn alǵa qoıyp otyr, ol úshin memleket ınvestısııalyq jáne eksporttyq baǵyttaǵy el ekonomıkasyn jańǵyrtý boıynsha keshendi sharalar qabyldaýda», dep atap ótti.
Iskerlik baılanystardyń ósýi men azamattar arasyndaǵy qarym-qatynastardy qamtamasyz etýdi eskere otyryp, jan-jaqty ózara is-qımyldy damytý maqsatynda Qazaqstan azamattary úshin EO vızalyq rejimin jeńildetý týraly máseleni tez arada sheshý mańyzdy túrtki bolatyn. Osyǵan baılanysty mınıstr Eýropalyq tarapty Qazaqstan azamattary úshin vızalyq rejimdi jeńildetý jónindegi kelissózderdi bastaý máselesin tezirek sheshý úshin qoldaýǵa shaqyrdy.
Sonymyn qatar, taraptar Ortalyq Azııa boıynsha EO Strategııasyn jańartý prosesin talqylady. «Qazaqstan budan da tereń yntymaqtastyqtyń tıimdi jáne kópfýnksıonaldy negizi bolatyn jańa strategııany iske asyrýǵa belsendi túrde járdemdesýge daıyn, qujat aımaq ishindegi áriptestikti odan ári nyǵaıtýǵa yqpal etedi» - dedi mınıstr.
Budan bólek, EAEO-EO formatyndaǵy ózara qarym-qatynasynyń perspektıvalary, Ortalyq Azııadaǵy aımaqtyq yntymaqtastyq, «Beldeý men jol» atty Qytaı bastamasynyń sheńberindegi ózara is-qımyl jáne halyqaralyq kún tártibiniń basqa da máseleleri kóterildi.
Kezdesý nátıjeleri boıynsha taraptar osyndaı formattaǵy sharalardy jıi ótkizip turýǵa jáne tyǵyz jumys baılanystaryn qoldaýǵa kelisip, qazaqstandyq taraptyń eki jaqty yntymaqtastyqty tereńdetý boıynsha dıalogqa, jańa oılarmen jáne usynystarmen bólisýge daıyndyǵy atap ótildi.
Móldir RYSHANQYZY,
stýdent