Oblys ortalyǵyndaǵy komıkster klýbyna jetekshilik etetin Darhan Baıahmetov erekshe ónerdiń Eýropa men AQSh-ta keń óris alǵanyn al Qazaqstanda baıaý damyp kele jatqanyn aıtady.
О́ıtkeni, sýretti áńgimeler men hıkaıalardy baıandaýdyń ózindik qalyptasqan mánerimen qatar erekshelikteri men qıyndyqtary az emes kórinedi.
«Bala kúnimizde komıksterdi gazet-jýrnaldardan kórsek te, asa mán bere qoımappyz. Birde komıkster beınelengen bir kitapty ashyp, qarap otyrsam, ishindegi sýretter men jazbalardyń barlyǵy qyzyq kórinip, erekshe unady. Birinshi betinen sýretterge nazar aýdaryp, aınalasyndaǵy jazýlardy oqysań, quddy bir fılm qarap otyrǵandaı áserge bólenesiń. Árqaısysy belgili bir oqıǵa jelisin baıandap, ózine eriksiz baýrap alady», deıdi ol.
Negizi komıks óneriniń tarıhy XVII ǵasyrda Ispanııanyń Valensııa jáne Barselona qalalarynan bastaý alady eken. Ol kezde beıneler kádimdi shaǵyn jadnama qaǵazdarǵa salynypty. 1870 jyldary baspa betterinde jaryq kóre bastaıdy. Elimizde jastardyń qyzyǵýshylyǵy basym.
Tól týyndylaryn salýdy endi bastaǵan klýb músheleriniń alǵashqy eńbekteri jurtshylyq tarapynan joǵary baǵalanypty. Túrli oqıǵalar jelisi monolog, dıalog úlgisinde baıandalatyn komıksterdi jınaq etip qurastyrý oılarynda bar. Komıkster ázirleıtin turaqty avtorlardyń patrıottyq tárbıe, genderlik tendikke qatysty shyǵarmalary úlken suranysqa ıe.
Keleshektegi josparlary tipti aýqymdy. Jazda Astana qalasynda tuńǵysh ret ótetin qazaqstandyq komıkster festıvaline qatyspaq nıette.
О́mir ESQALI,
«Egemen Qazaqstan»
Soltústik Qazaqstan oblysy